جاڭالىقتار
75 ملن پارا العان مەملەكەتتىك قىزمەتشى سوتتالدى
فوتو: اشىق دەرەككوز
باتىس قازاقستان وبلىستىق قىلمىستىق ىستەر جونىندەگى مامانداندىرىلعان اۋدانارالىق سوتىندا مەملەكەتتىك كىرىستەر دەپارتامەنتىنىڭ قىزمەتكەرىنە قاتىستى سوت ۇكىمى شىقتى, دەپ حابارلايدى qandastar.kz
اكىمشىلەندىرۋ باسقارماسىنىڭ 38 جاستاعى جەتەكشى مامانى «سىرىم» وتكىزۋ پۋنكتىنەن جۇك كولىكتەرىن كەدەرگىسىز وتكىزگەنى ءۇشىن جەرگىلىكتى كاسىپكەردەن 75 ملن تەڭگە پارا العان.
زاڭسىز ارەكەت 2021 جىلعى جەلتوقساندا باستاپ, 2022 جىلعى قىركۇيەككە دەيىن جالعاسقان. كۇدىكتى كەيىن تەرگەۋ ورگاندارىنان بوي تاسالاپ, حالىقارالىق ىزدەۋ جاريالانعان.
سوت ايىپتالۋشىدان پارا مولشەرىندە قارجىنى ءوندىرىپ, دۇنيە-مۇلكىن مەملەكەت پايداسىنا تاركىلەدى.
