الەم جاڭالىقتارى
پرەزيدەنت داعىستانداعى لاڭكەستىك ارەكەتتەرگە قاتىستى كوڭىل ايتتى
فوتو: تەرروريستى ۆ داگەستانە. يلليۋستراتسيا: سكرينشوت ۆيدەو
/eadaily.com/ru/news
مەملەكەت باسشىسى قاسىم-جومارت توقاەۆ داعىستانداعى پراۆوسلاۆيە شىركەۋى مەن سيناگوگاعا لاڭكەستىك ارەكەتتەر جاسالىپ, سونىڭ سالدارىنان ءدىن جانە قۇقىق قورعاۋ ورگاندارى قىزمەتكەرلەرىنىڭ قازا بولۋىنا بايلانىستى رەسەي پرەزيدەنتى ۆلاديمير پۋتينگە كوڭىل ايتتى. بۇل تۋرالى Stan.kz اقپارات اگەنتتىگى حابارلايدى.
قازاقستان پرەزيدەنتى قۇقىق قورعاۋ جۇيەسى ارقىلى جەدەل-ىزدەستىرۋ شارالارىن جۇرگىزۋدە كومەك كورسەتۋگە دايىن ەكەنىن جەتكىزدى.
مەملەكەت باسشىسى ادامزاتقا قارسى جاسالعان مۇنداي ارەكەتتى ءۇزىلدى-كەسىلدى ايىپتايدى, سونداي-اق, بۇۇ, شىۇ جانە باسقا دا بەدەلدى حالىقارالىق ۇيىمدار اياسىندا لاڭكەستىكپەن كۇرەسۋ ءۇشىن كوپجاقتى ىنتىماقتاستىقتى دامىتۋدى قولدايدى.
ايتا كەتەيىك, 23 ماۋسىم كۇنى داعىستاندا بەلگىسىز بىرەۋلەر پراۆوسلاۆ شىركەۋى مەن سيناگوگاعا شابۋىل جاساعانى تۋرالى جازعان ەدىك. كەشكى ۋاقىتتا داعىستاندا ەكى تەراكت جاسالدى. سودىرلار ءبىر ۋاقىتتا ماحاچكالا مەن دەربەنتكە شابۋىل جاسادى. سوڭعى دەرەكتەرگە سايكەس تەرراكت سالدارىنان 15 پوليتسەي كوز جۇمىپ, 34 ادام جارالاندى. داعىستاندا تەرروريزمگە قارسى وپەراتسيا رەجيمى ەنگىزىلدى.
