ءبىلىم
«8-10 بالا جابىلىپ ۇرعان». لاگەر ديرەكتورى جۇمىستان بوساتىلدى
فوتو: جەكە قورىنان
باتىس قازاقستان وبلىسىندا لاگەر ديرەكتورى جۇمىستان بوساتىلدى, – دەپ حابارلايدى Massaget.kz ءتىلشىسى «موي گورود» باسىلىمىنا سىلتەمە جاساپ.
بۇل تۋرالى باتىس قازاقستان وبلىسى بويىنشا ءبىلىم باسقارماسى باسشىسىنىڭ م.ا. لاۋرا باتىرعاليەۆا مالىمدەدى.
تالىمگەر دە جۇمىستان بوساتىلىپ, گورونو تەكسەرگەننەن كەيىن تاربيەشىگە تارتىپتىك جازا قولدانىلعان.
«بالالار جانە ولاردىڭ اتا-انالارىمەن اڭگىمە جۇرگىزىلدى», – دەدى باتىرعاليەۆا جۋرناليستەرگە.
10 جاستاعى بالا اپكەسىمەن بىرگە 10 ماۋسىمدا «اتامەكەن» بالالار لاگەرىنە كەلگەن. ولارعا سۋ تاسقىنىنان زارداپ شەككەندەر رەتىندە قالالىق ءبىلىم ءبولىمى جولداما بەرگەن. وندا بالالار بىرنەشە كۇن بولعانى بەلگىلى بولدى.
- «… ءبىز ۇيگە كەلدىك, ۇلىم دەنەسىندەگى كوگەرگەن جەرلەرىن كورسەتتى. اياعىندا, قولدارىندا جانە دەنەسىندە بولدى. ول 8-10 بالا جابىلىپ, ونى سپورتزالدا, ءتىپتى كوشەدە ۇرعانىن ايتادى. بالالارعا (ۇرعان) سۇراق جوق – ولار بالالار. بالالاردى قابىلداعان جانە ولاردى قاداعالاۋعا مىندەتتەلگەن لاگەر باسشىلىعىنا, مۇنىڭ ءبارىن ۇيىمداستىرعان مينيسترلىككە سۇراعىم بار: نەگە بۇلاي بولدى? بۇعان قالاي جول بەردىڭىزدەر?» – دەدى بالانىڭ اكەسى.
