8-12 jyl: Bıshimbaevtyń advokattary onyń merzimin eki esege qysqartqysy keledi

Foto: Aıqyn.kz

Bıshimbaevtyń advokattary onyń sottylyq merzimin 8-12 jylǵa qysqartýdy kózdep otyr, – dep habarlaıdy Aikyn.kz Azattyq Rýhy-na silteme jasap.

Advokat Nazken Qusaıynova  BES.media jýrnalısine bergen pikirinde Bıshimbaevty sottaý merzimin eki esege qysqartýdy josparlap otyrǵanyn aıtqan.

«Abaısyzda ólimge ákep soqtyrǵan densaýlyqqa aýyr zııan keltirý» baby boıynsha 8-den 12 jylǵa deıin bas bostandyǵynan aıyrady», – dedi ol.

Buǵan deıin, advokat Erlan Ǵazymjanov Bıshimbaevqa taǵylǵan «Asa qatygezdikpen adam óltirý» QK 99-babyn «Abaısyzda ólimge ákep soqtyrǵan densaýlyqqa aýyr zııan keltirý» QK 106-babyna aýystyryp, jazany jeńildetýdi suraǵan. Al azaptaý boıynsha aıypty múlde alyp tastap, ony jańa qurammen jańadan qaraýdy talap etti.

Eske salaıyq, Qýandyq Bıshimbaev marqum áıeli Saltanat Núkenovany asa qatygezdikpen, qınap óltirgeni úshin 24 jylǵa bas bostandyǵynan aıyrylǵan, al onyń qylmysyn jasyrdy dep aıyptalǵan Baqytjan Baıjanov 4 jylǵa sottalǵan bolatyn.