«8 aı alıment tólemegen»: Nursultan Jaqsygenniń eks-áıeli málimdeme jasady

Kollaj: Stan.kz

Tanymal akter Nursultan Jaqsygenniń eks-áıeli, bloger Farıza Almazova tyń derekterdi bólisti, dep jazdy qandastar.kz

Bul týraly Stan.kz aqparat agenttigi habarlaıdy.

Blogerdiń sózinshe, juldyzdy áke 8 aıdan beri alıment tólemegen.

”Ákeniń orny jezdedeı-aq degen sózdi dáleldep berdi. Sot oryndaýshysy shaqyrdy. 8 aıdan beri alıment tólemegen edi. Sol úshin aryz jazdym”, – dedi Farıza.

Odan keıin akterdiń bolashaqta da alıment tólemeıtinin jazǵan hatyn jarııalady.

“Aqsha tap ta, balalardy óziń asyra. Balalardy da kórmeı-aq koıdym. Jınalsa jınala bersin. Storıske salyp, ohvat jınaımyn dep oılamaı-aq qoı. Meniń bir emes, eki úıim bar. Sen sııaqty áke-shesheńmen tentirep júrgen joqpyn. Qyz degen kóp emes pe, shertip júrip tańdaı alamyn”, – dep jazǵan akter.

Eske salaıyq, Nursultan Jaqsygen efırde burynǵy áıelinen keshirim surap, qońyraý shalǵan edi.