8 ناۋرىز كۇنى قىتايدا تەك ايەل ادامدار دەمالادى

قىتايدا بۇگىن تەك ايەلدەر عانا دەمالادى, ەركەكتەر جۇمىس ىستەپ جاتىر. كورشىلەس ەلدە 8 ناۋرىزدى «فۋ نيۋي» دەپ اتاۋ قالىپتاسقان.

بۇل «تۇرمىسقا شىققان حانىم» دەگەن ماعىنا بەرەدى. سوندىقتان قىتايدا 8 ناۋرىزدا كۇيەۋگە تيمەگەن قىزداردى قۇتتىقتاۋ سولەكەتتىك بولىپ سانالادى. الايدا جىگىتتەر قىزدارعا قۋانىش سىيلاۋدىڭ ەبىن تاپقان سياقتى. بۇل ەلدە بويجەتكەندەردى 1 كۇن بۇرىن — 7 ناۋرىزدا قۇتتىقتاپ, سىيلىعىن بەرىپ تاستايدى. ايەل ادام كۇيەۋسىز جانە بالاسىز ءومىر سۇرۋگە قۇقىلى. بۇل قىتايلىق فەمينيست جانە جازۋشى قىزدىڭ پىكىرى. ول تۇرمىسقا شىعۋ, وتباسى قۇرۋ — ادىلەتسىزدىك دەپ ەسەپتەيدى.

ەكىنشى جىل قاتارىنان بالا تۋ كورسەتكىشى تومەندەگەن ازيالىق ەلدىڭ بيلىگى «وتباسى قۇرۋ مەن بالا ءسۇيۋدىڭ جاڭا مادەنيەتىن قالىپتاستىرۋ قاجەت» دەگەن مىندەت قويعان.  چاي ۋانروۋ, فەمينيست: «كوپتەگەن ايەلدەر تۇرمىسقا شىققان سوڭ ءوزىن جوعالتادى.

ءوز بەتىنشە تابىس تابا الماي قالادى, كۇيەۋىنە كىرىپتار بولىپ قالادى. باقىتسىز عۇمىر كەشەدى. سوندىقتان ۇيلەنۋدىڭ, بالا تابۋدىڭ ەش قاجەتى جوق. ءوزىڭدى ساقتاعان ءجون. تولىق شىنايى گەندەرلىك تەڭدىككە قول جەتكىزۋىمىز كەرەك.» قىزداردىڭ 44%-ى تۇرمىسقا شىققىسى كەلمەيدى قىتاي 2021 جىلى قىتايدا جالعىزباستى تۇرعىندار سانى 239 ميلليوننان استى. بۇل رەكوردتى كورسەتكىش. جەرگىلىكتى جاستار ليگاسى ارنايى ساۋالناما جۇرگىزىپ, وعان قاتىسقان قىزداردىڭ 44 پايىزى تۇرمىسقا شىققىسى كەلمەيتىنىن ايتقان. باتىستا جاڭا ترەند پايدا بولدى.

اقش پەن بريتانيادا trad wives نەمەسە traditional wives, ياعني داستۇرگە بەرىك ايەلدەر قوزعالىسى قارقىن الىپ كەلەدى. ولار فەمينيزمگە قارسى, ءداستۇرلى قۇندىلىقتاردى قولدايدى. بۇل بەلسەندىلەر «ايەلدەر — كۇيەۋىنە تولىق باعىنىپ, وشاق باسىندا وتىرىپ, وتباسىنىڭ جىلۋى بولۋى كەرەك» دەگەن قاعيدانى ۇستانادى. ولار ءۇشىن قىزمەت, مانساپ ماڭىزدى ەمەس. بۇل ترەند قارسى شىعىپ جاتقاندار دا بار.  دجو پياتستسا, جازۋشى: «ايەلدەر وتباسى, وشاق قاسىنان اسا الماعان ەسكىلىكتى بۇلايشا كوكسەۋ جاقسىلىققا اپارمايدى.

ولار كەلىنشەكتەردى تۇرمىستىڭ ق ۇلى جانە قۇربانى قىلعىسى كەلەدى. بۇل قاۋىپتى ءۇردىس.» داستۇرگە بەرىك ايەلدەر قوزعالىسىنا نارازىلار تۇرمىستىق زورلىق-زومبىلىق كۇشەيە مە دەپ قورقادى. ويتكەنى دۇنيەجۇزىلىك دەنساۋلىق ساقتاۋ ۇيىمىنىڭ مالىمەتى بويىنشا, قازىردىڭ وزىندە الەمدەگى ءار ءۇشىنشى ايەل زورلىق كورەدى. ءبىزدىڭ قازاق «ايەل — ءۇيدىڭ قازىعى, قازىناسى, كوركى, بەرەكەسى» دەپ باعالايدى.