ۋتيلالىمدى جويۋ كولىك نارىعىنا وزگەرىس اكەلە مە?

فوتو: yaplakal.com

qandastar.kz  —  ۋتيلالىمعا قاتىستى قاۋەسەت جەلدەي ەسىپ تۇر. «كولىك باعاسى  3,5-4 ميلليون تەڭگەگە دەيىن تۇسەدى» دەگەن جالعان اقپارات تا تارادى. ەندىگى كوپشىلىكتىڭ كوكەيدەگى ساۋالى –  كادەگە جاراتۋ الىمى كولىك نارىعىنا اسەر ەتە مە?

بايقاپ قاراساق, گرۋزيا, دۋباي, قىتايدان اكەلىنگەن اۆتوكولىكتەردىڭ باعاسى ورتا ەسەپپەن 4 ميلليوندى قۇرايدى. وعان كولىكتى جەتكىزۋ قىزمەتىن قوسىڭىز. ال ۋتيلالىم 649 مىڭ تەڭگەنى توڭىرەكتەيدى. وسى اقپاراتتاردان تەك جاڭا كولىكتى شەتەلدەن شىعارۋ 650 000 تەڭگەگە ارزاندايدى دەگەن قورىتىندى جاساۋعا بولادى.

پايدالانىلعان كولىكتى اكەلگەن جاعدايدا, كادەگە جاراتۋ الىمى تومەندەمەيدى. بىزدە ۋتيلالىم 3 جىلدان استام كولىكتەردە جوعارى دەگەن تۇسىنىك كەزدەسەدى. بىراق ول كولىكتىڭ جىلىنا ەمەس, كولەمىنە تىكەلەي بايلانىستى بولىپ وتىر.

ماسەلەن, 2 جىلدان باستاپ 923 تەنگە, 2-دەن 3-جىلعا دەيىن 184600 تەنگە, 3 جىل نەمەسە ودان جوعارى بولسا 1846000 تەنگەنى قۇرايدى. قازىر العاشقى تولەمنىڭ كۇشىن جويۋ ماسەلەسى جاناما تۇردە تالقىلانۋدا, ال بەلسەندى سانجار بوقاەۆتىڭ ءوزى بۇل تاقىرىپقا كەلگەندە اناۋ ايتقانداي وي قوسپاعانى بايقالعانداي.

جاڭا ماشينالار ءۇشىن بۇل بوس ءسوز, ال 2-3 جىل كولىكتەر ءۇشىن 184600 تەنگەنى قۇراۋى ءتىپتى مۇمكىن ەمەس. 3 جىلدان اسقانداردا العاشقى تولەم تىم كوپ. سونىمەن قاتار, ەشكىم سىزگە پايدالانىلعان كولىككە تومەن پايىزدىق نەسيە بەرمەيتىنىن دە قاپەردە ۇستاۋ كەرەك. كادەگە جاراتۋ الىمى كولىكتەر نارىعىنا ايتارلىقتاي اسەر ەتپەيدى. ونى الىپ تاستاعانمەن كەنەتتەن جاڭا كولىككە جايعاسا كەتۋىمىز دە ەكىتالاي.

كولەمى 2 ليترگە دەيىنگى كولىكتەردىڭ شىعىنىن قاراساق, وعان شامامەن 300000 تەنگە الىم تولەيسىز. ءارى قاراي كولەمى ارتقان سايىن الىم دا وسە بەرەدى. كولەمى 2 ليتردەن اسپايتىن سىرتتان اكەلىنگەن كولىكتەر ءۇشىن الىم — 646 000 تەڭگە, 2 جىلعا دەيىنگى كولىكتەردى العاشقى تىركەۋ — 923 تەڭگە. قورىتا شاققاندا —  646 923 تەڭگە. قازىر ەكى نۇسقانى الىپ تاستاۋ جولدارى تالقىدا. مۇنان سوڭ كولىكتىڭ اسپانداعان باعاسى ورنىنا ءتۇسىپ, جاڭا اۆتوموبيل قۇنى 4 ميلليونعا دەيىن ارزاندايدى دەۋ دە ارمان سياقتى…