Ýtılalymdy joıý kólik naryǵyna ózgeris ákele me?

Foto: yaplakal.com

qandastar.kz  —  Ýtılalymǵa qatysty qaýeset jeldeı esip tur. «Kólik baǵasy  3,5-4 mıllıon teńgege deıin túsedi» degen jalǵan aqparat ta tarady. Endigi kópshiliktiń kókeıdegi saýaly –  kádege jaratý alymy kólik naryǵyna áser ete me?

Baıqap qarasaq, Grýzııa, Dýbaı, Qytaıdan ákelingen avtokólikterdiń baǵasy orta eseppen 4 mıllıondy quraıdy. Oǵan kólikti jetkizý qyzmetin qosyńyz. Al ýtılalym 649 myń teńgeni tóńirekteıdi. Osy aqparattardan tek jańa kólikti shetelden shyǵarý 650 000 teńgege arzandaıdy degen qorytyndy jasaýǵa bolady.

Paıdalanylǵan kólikti ákelgen jaǵdaıda, kádege jaratý alymy tómendemeıdi. Bizde ýtılalym 3 jyldan astam kólikterde joǵary degen túsinik kezdesedi. Biraq ol kóliktiń jylyna emes, kólemine tikeleı baılanysty bolyp otyr.

Máselen, 2 jyldan bastap 923 tenge, 2-den 3-jylǵa deıin 184600 tenge, 3 jyl nemese odan joǵary bolsa 1846000 tengeni quraıdy. Qazir alǵashqy tólemniń kúshin joıý máselesi janama túrde talqylanýda, al belsendi Sanjar Boqaevtyń ózi bul taqyrypqa kelgende anaý aıtqandaı oı qospaǵany baıqalǵandaı.

Jańa mashınalar úshin bul bos sóz, al 2-3 jyl kólikter úshin 184600 tengeni quraýy tipti múmkin emes. 3 jyldan asqandarda alǵashqy tólem tym kóp. Sonymen qatar, eshkim sizge paıdalanylǵan kólikke tómen paıyzdyq nesıe bermeıtinin de qaperde ustaý kerek. Kádege jaratý alymy kólikter naryǵyna aıtarlyqtaı áser etpeıdi. Ony alyp tastaǵanmen kenetten jańa kólikke jaıǵasa ketýimiz de ekitalaı.

Kólemi 2 lıtrge deıingi kólikterdiń shyǵynyn qarasaq, oǵan shamamen 300000 tenge alym tóleısiz. Ári qaraı kólemi artqan saıyn alym da óse beredi. Kólemi 2 lıtrden aspaıtyn syrttan ákelingen kólikter úshin alym — 646 000 teńge, 2 jylǵa deıingi kólikterdi alǵashqy tirkeý — 923 teńge. Qoryta shaqqanda —  646 923 teńge. Qazir eki nusqany alyp tastaý joldary talqyda. Munan soń kóliktiń aspandaǵan baǵasy ornyna túsip, jańa avtomobıl quny 4 mıllıonǵa deıin arzandaıdy deý de arman sııaqty…