«9-10 qadam jasap júr»: Oq jaraqatyn alǵan Berdenovtiń jaǵdaıy belgili boldy

Foto: Shymkent ákimdigi

Belgili kásipker Syrymbek Taý Rýslan Berdenovtiń qazirgi jaǵdaıy týraly aıtty, dep habarlaıdy qandastar.kz

Kásipker dosy Rýslan Berdenovtyń qazirgi hálin aıtyp, onyń júre bastaǵanynan habardar etti.

Qudaıǵa shúkir, Rýslan Berdenov dosymyzdyń beti beri qaraı bastady. Ol sóılep, kúnine 9-10 qadam basa bastady. Jaǵdaıy kúnnen-kúnge jaqsaryp keledi. Tileýles bolǵan barshańyzǵa shyn júrekten alǵys aıtamyz, — dedi Syrymbek Taý.

Aıta keteıik, Shymkent qalasy ákiminiń orynbasary Rýslan Berdenovke 21 sáýir kúni keshki saǵat 20:30 shamasynda qalalyq ákimdik ǵımaratynyń janynda qarýly shabýyl jasalǵan bolatyn.