جاڭالىقتار
9 جاستاعى قىزدان «جىن شىعارعان» ەمشىنى قانداي جازا كۇتىپ تۇر?
فوتو: اشىق دەرەككوز
باس پروكۋروردىڭ ورىنباسارى عالىمجان قويگەلديەۆ ءماجىلىس كۋلۋارىندا ەمشى كەيقۋات وسپانوۆ قانداي جازا ارقالايتىنىن ايتتى, دەپ حابارلايدى qandastar.kz
«بۇل ءىس بويىنشا تەكسەرۋ جۇمىستارى جۇرگىزىلىپ جاتىر. قازىر ونى (رەد. – ەمشى) اكىمشىلىك جازاعا تارتۋ قاراستىرىلىپ جاتىر. مەنىڭ بىلۋىمشە, بالالاردىڭ اتا-اناسىنان ارىز-شاعىم تۇسكەن جوق», – دەدى عالىمجان قويگەلديەۆ تىلشىلەردىڭ ساۋالىنا بەرگەن جاۋابىندا.
ايتا كەتۋ كەرەك, جەلىدە اتىراۋلىق ەمشىنىڭ توعىز جاسار قىزدىڭ «ىشىنە كىرىپ كەتكەن جىندى شىعارعانى» تۋرالى بەينەجازبا تارالعانىن جازعانبىز. ەمشى ءوزىنىڭ ءراسىمىن بەينەتاسپاعا ءتۇسىرىپ, جەلىگە جۇكتەگەن. بۇل جاعداي قوعامدا رەزونانس تۋدىردى.
