«90 mıllıon teńgege deıin!»: Qazaqstandaǵy top-menedjerlerdiń syıaqysy belgili boldy

Kollaj: Ulysmedia

Qazaqstannyń ulttyq kompanııalarynyń basshylaryna beriletin syıaqy mólsheri ondaǵan mıllıon teńgege jetedi, dep habarlaıdy Ulysmedia.kz.

Qazaqstannyń ulttyq kompanııalary jyldyq esepterin jarııalap, tabystary men sátsizdikteri týraly esep beredi jáne basshylyqtyń syıaqysy týraly derekterdi keltiredi.

QazMunaıGaz

2023 jyly «QazMunaıGaz» UK AQ basqarma múshesi orta eseppen 43,2 mln teńge syıaqy, al dırektorlar keńesiniń múshesi orta eseppen 10,8 mln teńge jáne 22 myń dollardaı syıaqy alǵan.

Basqarmaǵa 9 adam kiredi: Maǵzum Myrzaǵalıev, Nurseıit Soıýnov, Qýanysh Qudaıbergenov, Serikqalı Brekeshev, Bulat Zákirov, Dmıtrıı Makeev, Dıana Arysova, Vasılıı Lavrenov jáne Dastan Abdýlǵafarov. Syıaqynyń jalpy somasy 388,7 mln teńgeni qurady.

Dırektorlar keńesine 9 adam kiredi – Ernat Berdiǵulov, Maǵzum Myrzaǵalıev, Holland Fılıp Malkolm, Armanbaı Jubaev, Arman Arǵynǵazın, Uzaqbaı Qarabalın, Eljas О́tynshıev, Saıa Myńsharıpova jáne Asqar Shákirov. Dollarmen tólengen jalpy syıaqy 196,4 myń dollardy, teńgemen – 97,2 mln teńgeni qurady.

Qazposhta

Basqarma múshesi orta eseppen 21,9 mln teńge alǵan. Dırektorlar keńesiniń múshesi – 9,5 mln teńge.

Basqarmaǵa 6 adam kiredi: Ásel Janasova, Semıon Pak, Bekbolat Hamıtov, Sholpan Ábirova, Erjan Qazanbaev jáne Jańarkúl Qoщanova. Jalaqy men bonýstar 131,2 mln teńgeni qurady.

Dırektorlar keńesine Nıkolaı Kazýtın, Mırat О́tepov, Oljas Qudaıbergenov, Iskender Maılybaev, Sultan Marenov jáne Ásel Janasova kiredi. Jalaqy men bonýstar 28,4 mln teńgeni qurady.

QTJ

Orta eseppen basshylar syıaqy retinde aıyna 4,1 mln teńgeden alǵan. 2023 jyly basqarma men dırektorlar keńesi múshelerine jalaqyny qosa alǵandaǵy syıaqynyń jalpy somasy 790 mln teńgeni qurady.

Basqarmada 8 adam bar – N.Saýranbaev, Q.Álmaǵambetov, A.Ahmetjanov, S.Keýlimjaev, D.Kúsherov, B.Urynbasarov, E.Qoıshybaev, E.Nagaspaev.

KEGOC

Syıaqy mólsheri orta eseppen 52,5 mln teńgeni qurady.

Kompanııa basqarmasynyń 5 múshesi bar – Nabı Aıtjanov, Baqythan Jazyqbaev, Tólegen Safýanı, Aıgúl Ákimbaeva jáne Elvıra Qonaqbaeva. Dırektorlar keńesinde 7 adam bar.

QazAtomО́nerkásip

Syıaqy mólsheri orta eseppen 91,3 mln teńgeni qurady.

Basqarma músheliginde 7 adam bar: Meıirjan Iýsýpov, Qýanysh Omarbekov, Sultan Temirbaev, Dastan Kósherbaev, Álibek Aldońǵarov, Muhıt Maǵajanov jáne Ermek Qýantyrov. Dırektorlar keńesi de 7 adamnan turady.

QazTransOıl

Syıaqy mólsheri orta eseppen 50,5 mln teńgeni qurady. Basqarma múshesi – 64,9 mln teńge, táýelsiz dırektor $80 myń jáne otyrys saıyn $1 myń alǵan.

Táýelsiz dırektorlarǵa (Adrıan Freısıne, Tımotı Glen Mıller jáne Qazbek Qusaıynovqa) – jylyna $80 myń kóleminde turaqty syıaqy jáne komıtetterdiń kúndizgi otyrystaryna qatysqany úshin $1 myń kóleminde qosymsha syıaqy berilgen. Jalpy 2023 jyly dırektorlar keńesiniń syıaqysyna 151,3 mln teńge jumsaldy.

2023 jyly basqarma múshelerine jalpy somasy 454,2 mln teńge syıaqy eseptelgen.

Basqarmaǵa 7 adam kirdi – Talǵat Qurmanbaev, Sábıt Arynov, Temirhan Ábdirov, Erık Saǵıev, Ámirjan Ospanov, Ǵazız Qoshanov jáne Jaıdarman Isaqov.

Syıaqynyń jalpy somasy 605,6 mln teńgeni qurady.​​