«90 myń teńge shyǵyndaryn ótemeıdi»: Qazaqstandyq depýtat jastardy jumysqa ornalastyratyn memlekettik baǵdarlama aılyǵyn synǵa aldy

Foto: Senat otyrysynan

Depýtat Bıbigúl Aqqojına búginde “Alǵashqy jumys”, “Jastar praktıkasy” sııaqty memlekettik baǵdarlamalardyń tóleıtin aılyǵyn synady, dep jazdy qandastar.kz

Aıtýynsha bul jastardyń eń qarapaıym kúndelikti shyǵyndaryn da óteýge jetpeıdi. Bul týraly Stan.kz aqparat agenttigi habarlaıdy.

Depýttatyń aıtýynsha, qazirgi ýaqytta “Jastar praktıkasy” jáne “Alǵashqy jumys orny” baǵdarlamalary boıynsha eńbekaqy mólsheri óte tómen.

“Sońǵy ósim 2022 jyly 20-dan 30 AEK-ke ulǵaıǵan. Bul rette qatysýshylar úshin qolǵa túsetin tólemniń naqty mólsheri 90 511 teńgeni quraıdy. Búgingi tańda ınflıaııalyq qubylystarǵa qaramastan baǵdarlama qatysýshylarynyń jalaqy deńgeıi ózgerissiz qalyp otyr. Jastar ásirese áleýmettik osal sanattaǵy ata-anasynyń qoldaýy joq túlekter qazirgi tólem deńgeıimen turǵyn úı, tamaqtaný shyǵyndaryn obektıvti túrde jaba almaıdy. Nátıjesinde kóptegen adamdar qatysýdan bas tartyp, beıresmı jumys izdeýge májbúr”, – dedi ol.

Bıbigúl Aqqojına saldarynan kóptegen jastar bulaı jumysqa ornalasýdan bas tartatynyn alǵa tartty.

“Eńbek jáne halyqty áleýmettik qorǵaý mınıstrliginiń aqparatyna sáıkes eki jobaǵa qatysqan jastarymzdyń 23 paıyzy ǵana jumysqa ornalastyryldy. Qoldanystaǵy sharttar, sonyń ishinde jalaqynyń tómen deńgeıi tıisti motıvaııany bermeıdi. Osylaısha tólemniń tómen deńgeıi jastardy eńbek naryǵyna tartýǵa, olardyń kásibı qalyptasýyna jaǵdaı jasaýǵa baǵyttalǵan memlekettik jastar saıasatynyń maqsattaryna qaıshy keledi. Jeke sektor tipti biliktiligi joq jumysshylar úshin de joǵary jalaqyny usynatynyn eskerý qajet. Bul jastardyń memlekettik baǵdarlamalarǵa degen qyzyǵýshylyǵyn odan ári tómendetedi. El prezıdenti Qasym-Jomart Kemeluly Toqaev jýyrda jarııalaǵan joldaýynda jyl saıyn bizde myńdaǵan ınjenerler, qurylysshylar, aýyl sharýashylyǵy mamandary oqýlaryn birtirip shyǵatynyn aıtty. Olardy oqytýǵa memleket qomaqty qarajat bóledi.. Degenmen olar kásibı mamandyqtary boıynsha jumys istemeıdi. Bári tez tabys ákeletin jumys tańdaıdy”, – dedi ol.

Depýtat osy tusta jastardy mundaı jobalarǵa tartý úshin jaǵdaı jasaý kerek ekenin kórsetti.

“Jastar praktıkasy” “Alǵashqy jumys orny” jobalaryna qatysýshylardyń jalaqysyn arttyrý múmkindigin, jastar úshin atalǵan jobalardyń tıimdiligi men tartymdylyǵyn arttyrý qajettiligin eskere otyryp, qarastyrýdy suraımyz. Eńbekaqy deńgeıin tóleýdi ulǵaıtý, jastardyń baǵdarlamalarǵa degen qyzyǵýshylyǵyn arttyrýǵa múmkindik berip, elimizdiń adamı kapıtalyn arttyrýǵa úles qosady”, – dep qorytty ol.