جاڭالىقتار
900 مىڭ تەڭگەدەن جوعارى: قازاقستانداعى ەڭ جوعارى زەينەتاقى الاتىنداردىڭ العاشقى بەستىگى جاريالاندى
فوتو: Stan.kz
قازاقستانداعى ورتاشا زەينەتاقى 35,7 مىڭ تەڭگەنى قۇرايدى, الايدا 900 مىڭ تەڭگەدەن جوعارى زەينەتاقى الاتىن ازاماتتار دا بار, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلادى.
2025 جىلعى 1 تامىزداعى جاعداي بويىنشا قازاقستاندا زەينەت جاسىنا جەتكەن ازاماتتارعا بجزق-دان تولەنەتىن ورتاشا ايلىق زەينەتاقى بار بولعانى 35,7 مىڭ تەڭگەنى قۇرايدى. الايدا ەڭ جوعارى سوما شەكتەلمەگەن جانە كەيبىر ازاماتتاردىڭ زەينەتاقىسى 900 مىڭ تەڭگەدەن اسادى.
قازاقستانداعى ەڭ جوعارى زەينەتاقى الۋشىلاردىڭ توپ-5 ءتىزىمى (2025 جىلعى 1 قىركۇيەكتەگى مالىمەت بويىنشا):
– 993 041 تەڭگە;
– 818 818 تەڭگە;
– 635 236 تەڭگە;
– 565 857 تەڭگە;
– 560 437 تەڭگە.
زەينەتاقى مولشەرى نەگە بايلانىستى?
مامانداردىڭ ايتۋىنشا, مۇنداي جوعارى سومالاردىڭ قالىپتاسۋىنا بىرنەشە فاكتور اسەر ەتەدى:
– سالىمشىنىڭ تابىس دەڭگەيى;
– بارلىق تابىس تۇرلەرىنەن تولىق ءارى تۇراقتى جارنا اۋدارۋ.
جيناقتاۋشى زەينەتاقى جۇيەسى ازاماتتارعا ءوز كاپيتالىن دەربەس باسقارۋعا مۇمكىندىك بەرەدى: مىندەتتى 10% جارنا جەتكىلىكسىز بولعان جاعدايدا, ازاماتتار ءوز ەركىمەن قوسىمشا زەينەتاقى جارنالارىن اۋدارۋ ارقىلى جيناقتارىن تولىقتىرا الادى.
بجزق مالىمەتىنشە, بيىل اقپانداعى ەڭ جوعارى زەينەتاقى 993 040 تەڭگەنى قۇراعان. بۇل قازىرگى كورسەتكىشتەن نەبارى 1 تەڭگەگە جوعارى. ال زەينەت جاسىنا بايلانىستى ورتاشا ايلىق تولەم سول كۇيى تومەن دەڭگەيدە قالىپ وتىر, جىل باسىنداعى 35,5 مىڭ تەڭگەمەن سالىستىرعاندا 35,7 مىڭ تەڭگە بولعان.
