Jańalyqtar
900 myń teńgeden joǵary: Qazaqstandaǵy eń joǵary zeınetaqy alatyndardyń alǵashqy bestigi jarııalandy
Foto: Stan.kz
Qazaqstandaǵy ortasha zeınetaqy 35,7 myń teńgeni quraıdy, alaıda 900 myń teńgeden joǵary zeınetaqy alatyn azamattar da bar, dep jazdy qandastar.kz
Bul týraly Stan.kz aqparat agenttigi habarlady.
2025 jylǵy 1 tamyzdaǵy jaǵdaı boıynsha Qazaqstanda zeınet jasyna jetken azamattarǵa BJZQ-dan tólenetin ortasha aılyq zeınetaqy bar bolǵany 35,7 myń teńgeni quraıdy. Alaıda eń joǵary soma shektelmegen jáne keıbir azamattardyń zeınetaqysy 900 myń teńgeden asady.
Qazaqstandaǵy eń joǵary zeınetaqy alýshylardyń TOP-5 tizimi (2025 jylǵy 1 qyrkúıektegi málimet boıynsha):
– 993 041 teńge;
– 818 818 teńge;
– 635 236 teńge;
– 565 857 teńge;
– 560 437 teńge.
Zeınetaqy mólsheri nege baılanysty?
Mamandardyń aıtýynsha, mundaı joǵary somalardyń qalyptasýyna birneshe faktor áser etedi:
– salymshynyń tabys deńgeıi;
– barlyq tabys túrlerinen tolyq ári turaqty jarna aýdarý.
Jınaqtaýshy zeınetaqy júıesi azamattarǵa óz kapıtalyn derbes basqarýǵa múmkindik beredi: mindetti 10% jarna jetkiliksiz bolǵan jaǵdaıda, azamattar óz erkimen qosymsha zeınetaqy jarnalaryn aýdarý arqyly jınaqtaryn tolyqtyra alady.
BJZQ málimetinshe, bıyl aqpandaǵy eń joǵary zeınetaqy 993 040 teńgeni quraǵan. Bul qazirgi kórsetkishten nebári 1 teńgege joǵary. Al zeınet jasyna baılanysty ortasha aılyq tólem sol kúıi tómen deńgeıde qalyp otyr, jyl basyndaǵy 35,5 myń teńgemen salystyrǵanda 35,7 myń teńge bolǵan.
