92 jylǵa sottaldy: qatygez áke úsh aılyq sábıdi tunshyqtyryp óltirdi

AQSh-tyń Indıana shtatyndaǵy Lafaıett qalasynda er adam úsh aılyq ulyn qatygezdikpen óltirdi. Ol sábıdi kir jýǵysh untaq salynǵan shelekke batyryp jibergen, dep habarlaıdy Qandastar.kz saıty Local12 portalyna silteme jasap.
2024 jyldyń 10 tamyzynda turmystyq zorlyq-zombylyq belgileri bar áıel dárigerlerden kómek suraǵan. Dárigerler dereý polıııa shaqyrǵan. Quqyq qorǵaý organdaryna áıel 29 jastaǵy kúıeýiniń montırovka men gaechnyı kiltpen shabýyl jasap, soqqyǵa jyqqanyn aıtqan. Biraq ol kezde áıel úshin basty ýaıym – óz densaýlyǵy emes, kúıeýiniń úsh aılyq ulyn belgisiz jaqqa alyp ketkeni bolǵan.

Polıııa er adamnyń úıin tintkenmen, balany tappaǵan. Kúıeýi sábıdiń joǵalýyna qatysy baryn moıyndamaǵan, tek áıeline shabýyl jasaǵanyn ǵana rastaǵan. Kelesi kúni bılik ókilderi úıdi qaıta tekserip, bul joly as úıden sarǵylt shelekti tapqan. Shelek ishindegi untaq aralas sý betinde óli bala qalqyp júrgen. Saraptama nátıjesinde balanyń ólimine — sabyndy sýǵa batyryp, tunshyqtyrý sebep bolǵany anyqtalǵan.

Okrýgtiń prokýror orynbasary Elıs Medıgannyń aıtýynsha, er adam keıinirek qylmysyn moıyndap, onyń sebebin túsindirgen.

«Aıyptalýshy bul áreketi arqyly áıeline jáne jalpy barlyq áıelge sabaq bergisi kelgenin aıtty. Ol er adamdardy qurmettemeýge bolmaıtynyn kórsetkisi kelipti», – dedi Medıgan.

Jarııalanǵan málimetke sáıkes, náresteni óltirip, áıelin óltirýge oqtalǵany úshin er adam 92 jylǵa bas bostandyǵynan aıyryldy.