Ermek Saǵymbaev elimizde qandaı terakttiń aldy alynǵanyn aıtty

Foto press-slýjby KNB

Ulttyq qaýipsizdik komıtetiniń tóraǵasy Ermek Saǵymbaev kásibı mereke qarsańynda QazAqparat agenttigine suhbat bergen bolatyn. Munda ol elimizde qandaı teraktilerdiń aldyn alynǵanyn aıtyp, qazaqstandyqtarǵa qatysty derekterdiń tarap ketýine qatysty  pikir bildirdi. qandastar.kz Saǵymbaev kótergen máselelerdi taldap kórdi.

Komıtet tóraǵasynyń aıtýynsha, bıyl lańkestik qylmys jasaǵany úshin 32 adam sottalyp, 23-i ustaldy, 170 dinı radıkalǵa elge kirýge tyıym salyndy.

Sonymen qatar Aqtaýda alǵashqy lańkestik árekettiń joly kesilgen.

«Qala turǵyndarynyń biri radıkaldy dinı ıdeologııany ustanýshy retinde kózge tústi. Ol kisi óltirgeni úshin sottalǵan eken. Ǵalamtordaǵy sheteldik sodyrlardyń úgit-nasıhatynyń áserinen memlekettik organdardyń biriniń ǵımaratynda jarylys jasamaq bolǵan.

Jarylǵysh qurylǵyny jasaýǵa arnalǵan komponentterdi, sonyń ishinde janǵysh jáne basqa hımııalyq qospalardy satyp alǵan. Úıin tintý barysynda jarylǵysh zattar salynǵan tórt konteıner jáne lańkestik áreketke daıyndyq faktisin dáleldeıtin basqa da aıǵaqtar tabylyp, tárkilendi. Buǵan qosa shetelde de ekinshi lańkestik áreketke tosqaýyl qoıyldy», – dedi E.Saǵymbaev.

Komıtet tóraǵasy kıberqaýipsizdikke qatysty ne deıdi?

«Qazaqstanda «Kıberщıt» júıesi 2018 jyldan beri jumys isteıdi. Sońǵy bir jylda ınternettiń qazaqstandyq segmentine 220 mıllıonnan astam jelilik shabýyl jasalyp, oǵan toıtarys berilgen degen derek bar.

«Qazaqstan azamattarynyń jeke derekteriniń taralyp ketýine qatysty jumystar óz deńgeıinde júrgizildi», – deıdi ol.

Ulttyq qaýipsizdik komıteti memlekettik organdardy ekonomıkadaǵy problemalar týraly habardar etedi. Sonyń áserinen bıylǵy jyly 1 trıllıon teńgeden astam shyǵynnyń aldyn alýǵa múmkindik bolǵan.