Qyzylordada ákimdik mektep qaramaǵyndaǵy jerdi tartyp alyp, arena salmaqshy

Foto; yandex.kz

Seıilbek Shaýhamanov atyndaǵy daryndy balalarǵa arnalǵan №9 Qyzylorda oblystyq «Bilim-Innovaııa» lıeıiniń sport alańqaıy men shaǵyn baǵy bar aýlasyn ákimshilik tartyp alyp, ornyna arena salmaqshy, – dep habarlaıdy qandastar.kz

Alaıda lıeı aýmaǵynan jalpy kópshilikke arnalǵan sporttyq nysannyń salynýyna ata-analar qarsylyq bildirip otyr. Qarsylyq aryz hatyna ázirge 150-ge jýyq adam qol qoıǵan.

Bilim-ınnovaııa lıeıi — qyzylordalyq daryndy balalarǵa sapaly bilim men tárbıe berip, oqýshylary talaı respýblıkalyq, halyqaralyq bilim báıgesinde top jaryp, óńirdiń bilim salasyn órge súırep júrgen oqý ordasy. Aıtalyq, halyqaralyq jáne respýblıkalyq dúbirli dodada túrli olımpıadalardan 148 altyn, 362 kúmis, 526 qola medal alyp, oblystyń atyn shyǵaryp, Halyqaralyq báıgeden 16 altyn, 31 kúmis jáne 56 qola ıelenip, kók týymyzdy sapaly bilimderi arqyly álemge tanytyp, elimizdiń dańqyn ǵylym jolynda shyǵaryp júrgen «Bilim-Innovaııa» lıeıiniń 2,1 ga jerin ákimshilik tartyp alyp, ornyna arena salatyny týraly 9 shildede habarlaǵan.

Ákimshilik basqa nysanǵa paıdalanýǵa bergeli otqan bul jerde lıeı-ınternat túlekteriniń syıǵa tartyp, óz qarajattaryna salyp bergen fýtbol alańy bar. Oǵan qosa, abattandyrý jumystary júrgizilip, aǵashtar otyrǵyzylyp shaǵyn baq ta jaıqalǵan bolatyn. Jataqhanada jatyp oqıtyn oqýshylar bos ýaqyttarynda osy jerge kelip oıyn oınap, baqta demalyp, kitap oqıtyn. Al, Qyzylorda ákimshiligi balalardy bul múmkinshilikten aıyryp, olardy tórt qabyrǵaǵa qamap qoımaqshy.
Otyz jyldyq tarıhy bar qarashańyraqta búginde 500-deı bala oqyp jatyr. 2012 jyly jańa ǵımarat 5 gektar jerimen berildi. Onda qyz balalar men er balalarǵa arnalǵan ǵımarat, sondaı-aq jataqhana ornalasqan. Ata-analar, oqýshylar men túlekter óz kúshimen jyl saıyn mektep aýmaǵyn kórkeıtip-kógaldandyrýǵa kúsh salyp keledi. Alaıda, jergilikti bılik balalarǵa jasalǵan jaǵdaıdy, esil eńbekti elemeı, mektep aýmaǵyn qurylys alańyna aınaldyrǵysy keledi. Ata-analardyń janyna batatyny – osy.

– Oǵan qosa, ákimshilik alyp qoıǵan jerge «Bilim-Innovaııa» lıeıi oqýshylar úshin taǵy da tennıs alańy(kort), sport alańyn salýdy josparlap otyrǵan bolatyn. Tek oqýshylar úshin ǵana emes, sapaly tárbıe men bilim beretin ustazdardy da jataqhanamen qamtamasyz etý úshin lıeı basshylyǵy muǵalimderge arnalǵan jatyn oryn salmaqshy bolǵan. Ol azdaı lıeıde jyldan-jylǵa kabınet tapshylǵy artyp keledi, osynyń aldyn alý maqsatynda lıeı basshylyǵy qaramaǵynda bolǵan bos alańǵa sport zalyn salmaqshy bolǵan. Balalardyń serýendep, boı sergitip, tek bilimderin ǵana emes, denelerinde shynyqtyrý úshin jasalǵan jaǵdaıdan balalardy aıyryp, Qyzylorda ákimshiligi ol orynǵa arena salmaqshy, – deıdi ata-ana Razııa Moldabekova.

Bul jaıtqa «Bilim-Innovaııa» lıeıiniń oqýshylary jáne ata-analary narazylyqtaryn bildirýde. Onsyzda alaqandaı mektep aýlasyn balalardan tartyp almaı, arenany basqa jaqqa salýdy talap etedi. Buǵan deıin de lıeı qaramaǵyndaǵy jerdi ákimshilik alyp qoıǵan bolatyn. Al ata-analar men oqýshylardyń narazylyǵyna qaramastan qurylys kólikterin lıeı aýmaǵyna ornalastyryp qoıǵan.
Narazylyq bildirýshilerdiń «jerdi alyp qoıǵan» dep otyrǵan máselesi bylaı. 2023 jyly 24 tamyzda lıeı-ınternat jeriniń 0,39 gektary basqa nysanǵa berilip, jer aýmaǵy azaıyp, 46 102 sharshy metr bolyp qaıta bekitilgen.

Narıman Salqashev — lıeı-ınternattyń ákeler keńesiniń tóraǵasy. Demek, onyń artynda 500-deı balanyń ákeleri tur. Barlyǵy da balalarynyń bolashaǵy úshin alańdaýly.
«Bárin óz kúshimizben qulpyrtyp otyrmyz. Qyzylordanyń jeli, kók shańy kóterilip jatatynyn bilesiz. Soǵan qaramastan balalardyń ıgiligi úshin byltyr kóktemde bárimiz birigip 300 tal ekkenbiz. Sodan keıin О́ner ortalyǵy salynǵanda tal egilgen aýmaqtyń belgili bir bóligin alyp qoıdy. Odan ata-analardyń habary bolǵan joq. Bir tistep kórdi de eshkim úndemegesin endi asaýǵa kóshti», – dedi Narıman Salqashev.
Ata-analardyń janaıqaıy áleýmettik jelide jarııalandy. Oǵan qala ákimdigi tarapynan tómendegideı jaýap berilgen:

«Búgingi kúni Bilim-ınnovaııa lıeıiniń oqýshylary tek shaǵyn sport alańyn paıdalanýda. Osy sport alańy lıeıdiń bos jerine aýystyrylyp, ornalastyrylady. Qyzylorda-arena Bilim-ınnovaııa lıeıiniń janynan salynǵan jaǵdaıda lıeı oqýshylary keshendi sport túrlerimen aınalysyp, jattyǵýlar jasaýǵa, oqý baǵdarlamasyna basseınde júzý, horeografııany engizýge múmkindik jasalady. Sonymen qatar «Saıahat», «Syrdarııa», «SPMK-70» shaǵyn aýdandary, Tasbóget kenti, Aqsýat aýyldyq okrýgi men «Sabalaq» saıajaıyndaǵy mektep jasyndaǵy oqýshylardyń máselesi de qarastyrylýda. Bilim-ınnovaııa lıeıiniń ustazdary men ata-analardyń pikiri zerdelenip, halyq múddesine qaraı sheshim qabyldanady».

«Biz halyq arenasynyń salynýyna eshqandaı qarsy emespiz, biraq bizdiń balalarymyzdyń jerin tartyp almasa eken» – deıdi ata-analar.

Lıeı-ınternatynyń túlegi Abylaıhan Jumabekov «ıgerilmegen jer» degen syltaýmen lıeı qaramaǵyndaǵy jerdi ákimdik alyp qoıyp, ózderine qarasty nysan salýyna qarsy.
«Ata-analar men oqýshylardyń, túlekterdiń bul nysandy salýǵa eshqandaı qarsylyǵy joq, tek lıeı aýmaǵyna emes, basqa bos jatqan jerge salsa eken deımiz», – deıdi.

Másele Parlament minberine de jetti. Parlament Májilisiniń áleýmettik-mádenı damý komıtetiniń tóraǵasy, Májilis depýtaty Ashat Aımaǵambetov Instagram áleýmettik jelisindegi paraqshasynda: «Bilim-ınnovaııa lıeıleri eń myqty mektepter jelisi bolyp tabylady. Bul másele túsiniksiz eken. Ákimdik shara qabyldap, tıisti jaýabyn berý kerek dep sanaımyn», – dep jazba qaldyryp, ata-analardyń beıneúndeýin qosa jarııalady.

Sondaı-aq, Májilis depýtaty Irına Smırnova da bul jaıtqa qatysty pikir bildirdi. Ol «Mektepke berilgen jer mekteptiki bolyp qalýy kerek. Ony tilimdep, onda qandaı da bir nysan salýdyń qajeti joq», – deıdi.

Ákimshilik bul nysandy salýǵa basqa jer qarastyrýy kerek ekenin aıtady. Sonymen qatar májilis depýtaty «Bilim berý obektilerine qoıylatyn sanıtarııalyq-epıdemıologııalyq talaptar» sanıtarııalyq qaǵıdalarynyń 2-taraýy, 7-bóliminde «Obektilerdiń aýmaǵynda bilim berý proesimen fýnkıonaldyq baılanysy joq ǵımarattardy, qurylystar men qurylysjaılardy ornalastyrýǵa jol berilmeıdi», – dep jazylǵanyn aıtady.