جاڭالىقتار

سايلاۋ كۇنى بازارلار مەن ساۋدا ۇيلەرىنىڭ جۇمىسى شەكتەۋلى بولادى

سايلاۋ كۇنى نۇر-سۇلتان مەن الماتىدا كوپتەگەن بازارلار مەن ساۋدا ۇيلەرىنىڭ ء(سۇ) جۇمىسى شەكتەۋلى بولادى, دەپ حابارلادى قازتاگ حاا ءتىلشىسى.
«ساعات 12-گە دەيىن (نۇر-سۇلتان بازارلارى – قازتاگ) جۇمىس جاسامايدى. بىراق بارلىعى ەمەس, بىراق «ارتەم» ءيا, شامامەن 12.00-گە دەيىن جۇمىس جاسامايدى, حالىق سايلاۋعا بارىپ داۋىس بەرۋ ءۇشىن, كۇنى بويى ەمەس, ساعات 9.00-12.00 دەيىن عانا بار بولعانى ءۇش ساعات قانا جۇمىس جاسامايدى, كاسىپكەرلەر سايلاۋعا بارىپ داۋىس بەرۋ ءۇشىن. ول جەردە دە ادامدار جۇمىس جاسايدى عوي, مىنە سولار بارىپ داۋىس بەرىپ قايتقىلارى كەلەدى, بۇل باستامانى سولار كوتەرىپ وتىر, وزدەرى ايتادى: «بىزگە داۋىس بەرۋگە بارۋعا ۋاقىت بەرەدى», مىنە بارلىعى بارعىسى كەلەدى», — دەپ مالىمدەدى جۇما كۇنى قازتاگ حاا تىلشىسىنە نۇر-سۇلتان كاسىپكەرلىكتى دامىتۋ جانە ينۆەستيتسيا باقارماسىنان.
سونىمەن قاتار بەلگىلى بولعانداي, 9 ماۋسىم كۇنى الماتىداعى كەيبىر بازارلار دا جۇمىس جاسامايدى.
اتاپ ايتساق, جەكسەنبى كۇنى «ادەم» ساۋدا ءۇيى تولىعىمەن كۇنى-بويى جابىق بولادى. بۇل تۋرالى ساۋداگەرلەرگە ءسۇ اكىمشىلىگى ايتقان, الايدا قازتاگ حاا تىلىشىسىمەن سۇحباتتاسقان «ادەم» ساۋداگەرى جابىلۋ سەبەبىن ولارعا تۇسىندىرمەگەنىن ايتتى. جانە ساۋدا ءۇيىنىڭ اكىمشىلىگى ءسۇ جابىلۋى مەن سايلاۋ اراسىنداعى تىكەلەي بايلانىستىڭ بار-جوعىن ناقتىلامادى.
«بۇل جەكسەنبىدە جۇمىس جاسامايمىز – سانيتارلىق كۇن», — دەپ مالىمدەدى «ادەم» اكىمشىلىگىنەن.
ال, «جاسىل بازار» جۇمىس جاسايدى – بۇل اقپاراتتى قازتاگ حاا-عا بازاردىڭ باس ديرەكتورى ەرلان قاليەۆ راستادى.
ەسكە سالساق, 19 ناۋرىزدا قازاقستاننىڭ تۇڭعىش پرەزيدەنتى نۇرسۇلتان نازارباەۆ مەملەكەت باسشىسى لاۋازىمىنداعى ءوز وكىلەتتىگىن 2019 جىلدىڭ 20 ناۋرىزىنان باستاپ توقتاتاتىنى تۋرالى جارلىققا قول قويعان ەدى. كەلەسى پرەزيدەنت سايلاۋىنا دەيىن ەلدى ۋاقىتشا سەناتتىڭ ەكس-سپيكەرى توقاەۆ باسقارادى.
9 ساۋىردە قازاقستان پرەزيدەنتى قاسىم-جومارت توقاەۆ حالىققا ۇندەۋ جاريالادى, ول ۇندەۋدە 2019 جىلدىڭ 9 ماۋسىمىندا كەزەكتەن تىس پرەزيدەنت سايلاۋى وتەتىن مالىمدەدى. كانديداتتاردى ۇسىنۋ 28 ساۋىردە, ال ولاردى تىركەۋ 6 مامىردا اياقتالدى. 11 مامىردا ەلدە ۇگىت كامپانياسى باستالدى.
قازاقستانداعى باستى لاۋازىمعا جەتى ادام تالاساتىن بولادى, سونىڭ ىشىندە توقاەۆ تا بار.

قازتاگ – ءمادينا الىمحانوۆا/سوگديانا يدريسوۆا. https://kaztag.kz/kz/news/saylau-k-ni-n-r-s-ltan-men-almatyda-k-ptegen-bazarlar-men-s-zh-mysy-shekteuli-bolady-

وسى ايداردا

دوباۆيت كوممەنتاري

Close