Jańalyqtar

Q.Toqaevtyń Tamyz konferenııasynyń plenarlyq otyrysynda sóılegen sózi

Aqordanyń baspasóz qyzmeti memleket basshysy Qasym-Jomart Toqaevtyń «Bilim jáne Ǵylym!» atty tamyz konferenııasynyń plenarlyq otyrysynda sóılegen sózin jarııalady. Qadirli ustazdar! Qurmetti áriptester! Dástúrge aınalǵan Tamyz konferenııasy – ustazdar qaýymy bas qosatyn aýqymdy ári mańyzdy jıyn. Ár adam qandaı jetistikke jetse de, bilim bergen ustazdaryn erekshe qadirleıdi. Elbasymyz Nursultan Ábishuly Nazarbaevtyń mártebeli mamandyq ıelerine degen yqylasy erekshe ekenin ózderińiz jaqsy bilesizder. Men de búgin Sizdermen kezdesý úshin osy jıynǵa arnaıy kelip otyrmyn. Eń aldymen, bilim jáne ǵylym salasynyń barlyq qyzmetkerlerine shynaıy yqylasymdy bildiremin. Sizder elimizdiń bolashaǵy úshin aıanbaı eńbek etip kelesizder. «Bilimdiden shyqqan sóz, Talaptyǵa bolsyn kez», – dep uly Abaı aıtqandaı, Ustaz – árqashan ilim men izgilikti alǵa qoıatyn tulǵa. Ulaǵatty urpaq tárbıeleý – asa jaýapty ári kúrdeli mindet. Sizderdiń arqalaryńyzda tutas bir býynnyń qundylyqtary men qasıetteri qalyptasady. «Ustazy jaqsynyń ustamy jaqsy» degen halqymyz. Ustazsyz adam bolmaıdy. Bárimiz de kezinde muǵalimniń tálimin alyp, bilimin úırendik. Sondyqtan bolashaqqa jol silteıtin muǵalimniń eńbegin laıyqty baǵalaý – óte mańyzdy mindet. Tarıhy tereń dástúr sabaqtastyǵy ulttyq tárbıe arqyly beriledi. Maǵjan Jumabaev «Pedagogıka» eńbeginde: «Árbir tárbıeshi balany ult dástúrimen tárbıeleýge mindetti» deıdi. Ulttyq qundylyqqa qanyǵyp ósken órenniń tanymy tereń, dili berik bolady. Ata-babalar amanat etken ulan-ǵaıyr dalany aman saqtaý, eń aldymen, jas býynǵa artylatyn zor úmit. Keıingi urpaq táýelsizdigimizdiń týyn árqashan joǵary ustaýy tıis. Qazirgi jahandaný dáýirinde jańa tehnologııanyń qarqyndy damýy ómirimizge túbegeıli ózgerister ákeldi. Adam kapıtalyna, bilim salasyna qoıylatyn talaptar múldem ózgeshe. Sapaly bilim qarqyndy damýdyń basty shartyna aınaldy. Uly Abaı únemi synǵa alǵan masyldyq qoǵamǵa eshqashan jaqsylyq ákelgen emes. Sony túsinetin jastarymyz tek bilimmen qarýlanyp, eńbekke ǵana arqa súıeýi tıis. Biz qazirgi zamannyń jańasha talaptary men úrdisterine árqashan saı bolýymyz kerek. Bul úshin bir orynda turyp qalmaı, ilgeri jyljý basty maqsat bolýy tıis. Sondyqtan, bilimi tereń, oıy ozyq urpaqty tárbıeleıtin muǵalimder qaýymyna zor jaýapkershilik júkteledi. Sizderdiń búgingi shákirtterińiz – Qazaqstannyń jarqyn bolashaǵy. Sapaly bilim – jetistikke jetýdiń joly ári ekonomıkany damytýdyń basty quraly. «Jeti túrli ilim biletin» urpaq tárbıeleý – búgingi kúnniń negizgi mindeti.

Derekkóz: https://24.kz/kz/zha-aly-tar/basty-zha-aly-tar/item/334817-to-aevty-tamyz-konferentsiyasyny-plenarly-otyrysynda-s-jlegen-s-zi

Osy aıdarda

Dobavıt kommentarıı

Close