Almatyda alkogol ónimderiniń bes jasyryn ehy anyqtaldy

Almaty qalasy boıynsha ekonomıkalyq tergeýler departamentiniń qyzmetkerleri alkogoldiń kóleńkeli aınalymyn anyqtaýǵa baǵyttalǵan dóńgelek ústel ótkizdi, dep habarlaıdy QazAqparat.

Jıynǵa sharap jáne araq ónimderin shyǵaratyn zaýyttardyń ókilderi men spırttik ishimdikterdiń dıstrıbıýtorlary qatysty. Dóńgelek ústel barysynda basqarma basshysy Bahtııar Júzenov spırt pen alkogoldiń kóleńkeli aınalymyn azaıtý maqsatynda departamenttiń jedel qyzmetkerleri jumys istep jatqanyn aıtty. Bul top kontrafaktilik (jalǵan) spırttik ishimdikter óndirýmen jáne satýmen, jalǵan tirkeý, baqylaý belgilerimen, sondaı-aq belgiler qoıýmen aınalysatyn qylmystyq toptardy anyqtaýǵa baǵyttalǵan. «Birinshi jartyjyldyqtyń qorytyndysy boıynsha, Almaty qalasynyń aýmaǵynda alkogol ónimin óndiretin 5 jasyryn eh anyqtaldy. Jalǵan akızdik markalardy satýdyń 3 faktisi tirkeldi. Nátıjesinde sotqa deıingi 8 is qozǵaldy», – dep habarlaıdy departamentegiler.

Dóńgelek ústeldiń qorytyndysyna sáıkes, Almaty qalasynda spırttik ishimdiktiń kóleńkeli aınalymyn shekteý boıynsha yntymaqtastyq týraly sheshim qabyldandy.

Derekkóz: https://24.kz/kz/zha-aly-tar/o-am/item/334820-almatyda-alkogol-nimderini-bes-zhasyryn-tsekhy-any-taldy