قازاقستاندىقتار جىلجىمايتىن م ۇلىكتىڭ تەحنيكالىق پاسپورتىن ونلاين الا الادى

جىلجىمايتىن م ۇلىك يەلەرى بۇدان بىلاي نىساندارىنىڭ (پاتەرلەر, جاتاقحانا بولمەلەرى, جەكە گاراجدار مەن ساياجايلار) تەحنيكالىق پاسپورتىنىڭ ەلەكتروندى نۇسقاسىن ونلاين راسىمدەي الادى. تسيفرلىق جاڭاشىلدىقتى «ازاماتتارعا ارنالعان ۇكىمەت» پەن «ۇلتتىق اقپاراتتىق تەحنولوگيالار» جۇزەگە اسىرىپ وتىر, — دەپ حابارلايدى Tengrinews.kz ءتىلشىسى.

«حقو-عا بارماي-اق, تەحپاسپورتتى الۋدىڭ ونلاين بالاماسى م ۇلىك يەلەرىنىڭ ۋاقىتى مەن قارجىسىن ۇنەمدەۋگە مۇمكىندىك بەرەدى. بۇعان دەيىن جىلجىمايتىن م ۇلىكتىڭ قۇجاتىن الۋ ءۇشىن حقو-عا بارىپ, تەحنيكالىق پاسپورتقا قاعاز جۇزىندە ءوتىنىش بەرۋ كەرەك ەدى. كەيىن م ۇلىك يەسى دايىن بولعان قۇجاتتى الۋ ءۇشىن قايتادان حالىققا قىزمەت كورسەتۋ ورتالىعىنا باراتىن», — دەيدى «ازاماتتارعا ارنالعان ۇكىمەتتىڭ» باسقارما ءتورايىمى اسەمگۇل بالتاشەۆا.

بۇدان بىلاي تەحنيكالىق قۇجاتقا ونلاين ءوتىنىش بەرىپ, دايىن ۇلگىسىن egov.kz ەلەكتروندى ۇكىمەت پورتالىنان كوشىرىپ الۋعا بولادى. بۇل ءۇشىن جىلجىمايتىن م ۇلىك يەسىنىڭ ەتسق-سى مەن قۇقىق بەلگىلەيتىن قۇجاتىنىڭ ءبىرىنىڭ (ساتۋ-ساتىپ الۋ كەلىسىمشارتى, سىيعا بەرۋ شارتى, جەكەشەلەندىرۋ شارتى, سوت شەشىمى جانە ت.ب.) سكان كوشىرمەسى بولۋى كەرەك. باستاپقى تولەم جۇرگىزىلگەننەن كەيىن جىلجىمايتىن م ۇلىك يەسى ەلەكتروندى قۇجاتتىڭ كەلگەنىن جەكە كابينەتىنەن كورە الادى. جوبا ىسكە قوسىلعان بىرنەشە كۇننىڭ ىشىندە ونلاين تۇردە كەلىپ تۇسكەن 100-دەن استام ءوتىنىش وڭدەلگەن.

ايتا كەتەيىك, جەكە كابينەتكە كەلگەن ەلەكتروندى تەحپاسپورتتى جۇكتەپ الۋ ءۇشىن جىلجىمايتىن م ۇلىك يەسى قىزمەتتىڭ ناقتى قۇنىنىڭ ايىرماسىن تولەگەنى تۋرالى تۇبىرتەكتى قوسا كورسەتۋى ءتيىس. تەك سودان كەيىن عانا قىزمەت كورسەتۋشىگە ارنايى كود-حابارلاما جولدانىپ, تەحپاسپورتتى كوشىرىپ الۋعا رۇقسات بەرىلەدى. تەحنيكالىق پاسپورتتىڭ ەلەكتروندى ۇلگىسىنىڭ كۇشى حقو-دا ءمور باسىلىپ بەرىلەتىن تولقۇجاتپەن تەڭ بولادى.

جىلجىمايتىن م ۇلىك تولقۇجاتىن ەلەكتروندى تۇردە ازىرگە نۇر-سۇلتان جانە شىمكەنت قالالارىنىڭ تۇرعىندارى الا الادى. پيلوتتىق جوبا 2020 جىلدىڭ اقپانىنا دەيىن جالعاسادى.