ELIMIZDEGI ESKI POIYZDAR QAShAN JAŃARADY?

Qyzmet kórsetý sapasy da syn kótermeıdi. Sol sebepti elimizde temirjol parkin jańartýdyń jospary qurylyp, baǵdarlamalyq qujat qabyldanbaq.  Kúndelikti tirshilikte alys-berispen qatar barys-keliste shoıynjoldyń orny bólek. Aıtalyq, byltyr elimizde 14 mıllıonǵa jýyq adam poıyzben qatynaǵan. Alaıda dittegen jerine dińkeletip jetkizetin poıyzdyń keıde adam úshin qııamet-qaıymǵa aınalatyny bar. Qazir elimizde 2600 jolaýshylar vagony bar desek, onyń 2100 ulttyq tasymaldaýshyǵa tıesili, qalǵany jeke kompanııalardyń enshisinde. Biraq osy 2600 vagonnyń teń jartysyna jýyǵy eskirgen. Tozyǵy jetse de, temirjoldardan túspegen mundaı vagondar jolaýshylar úshin qolaısyz ǵana emes, qaýipti de. Kólik mınıstrligi bolsa, temirjol parkin jańartý jumystarynyń qolǵa alynyp, jyl saıyn 100-ge jýyq jańa vagon satyp alynyp jatqanyn alǵa tartty. Sátjan О́zbekov, QR Kólik mınıstrliginiń temirjol ınfraqurylymy basqarmasynyń basshysy: — Osy jyly da 100-den asa vagon satyp alamyz dep josparlap otyrmyz. 2025 jylǵa deıin 300-ge jýyq vagon satyp alynady. Sonymen qatar, ózderińiz biletindeı, bizde qazir Stadler kompanııasymen birlesip, otandyq vagon óndirisin jańartyp, qazirgi zamanǵa saı vagondar óndirisin qalyptastyrý jumystary júrip jatyr. 2025 jyldan bastap sol vagondar iske qosylatyn bolady. Jalpy 2029 jylǵa deıin Stadler tehnologııasymen 500-ge jýyq vagon satyp alynaıyn dep otyr. Elimizdegi júk vagondarynyń da jaǵdaıy jylarman kúıde. Taýar aınalymy tasymalynyń mejeden tómen bolýy men temirjol boıynda túrli apattardyń oryn alýyna júk vagondarynyń eskirýi sebep. Aıtalyq, qazirgi tańda elimizde 136 myń júk vagony bar bolsa, onyń 44%-iniń tozyǵy jetken. Keńestik kezeńnen qalǵan eski vagondardy jańartýǵa memleket tarapynan kómek kórsetilip jatyr. Onyń sheńberinde byltyr 3 myń sý jańa vagon satyp alýǵa kelisimshart jasalǵan. Sátjan О́zbekov, QR Kólik mınıstrliginiń temirjol ınfraqurylymy basqarmasynyń basshysy: — Odan bólek, QTJ óz qarajaty esebinen lokomotıvter parkin jańartyp jatyr. Byltyr 113 lokomotıv satyp alyndy. Aldaǵy 2030 jylǵa deıin 600 lokomotıv satyp alynady degen jospar bar. Kólik-kommýnıkaııa júıesin jetildirýdiń aıasynda salada ıfrlandyrýǵa basymdyq berilgen. Qazirgi tańda temirjol salasyndaǵy 100-den astam qyzmet avtomattandyrylǵan. Júk tasymalyn júzege asyratyn kompanııalar úshin kelisimshartty jasaý men ótinish berý tártibi tolyǵymen ıfrlandyrylǵan. Temirjolǵa IT basqarý júıesin engizýde Ortalyq Azııada Qazaqstan kósh basynda keledi. Nurbol Nurǵalıev, «QTJ» UK» AQ Avtomattandyrý jáne ıfrlandyrý fılıalynyń dırektory: — Reseımen de elektrondy dokýmentke kóshkenbiz. Reseımen 69% qujatymyzdyń bári elektrondy túrde ázirlenedi. Jalpy Qazaqstannyń ishki tasymalynda 99% elektrondy júıege aýysqanbyz. Búgingi tańda bizdiń 2023 jyly 75% búkil bılet elektrondy túrde alynǵan. Temirjol salasyn qarqyndy túrde ıfrlandyrýdy Prezıdenttiń ózi tapsyrdy. Bul qadam onyń tıimdiligi men ónimdiligin edáýir arttyrýǵa, bıýdjet qarajatyn únemdeýge múmkindik beredi. Al otandyq kásipkerler úshin jumys jaǵdaıy edáýir jeńildeı túspek. Temirlan Jamıtov, tasymaldaýshy kompanııa ókili: — Biz otandyq aýylsharýashylyq ónimderin eksportqa shyǵaramyz. Buryn qujattardyń barlyǵyn qolmen toltyryp, ýaqyt joǵaltatynbyz. Qazir bizdiń qyzmetkerlerimiz О́skemendegi keńseden barlyq proesterdi elektrondy túrde basqarady. О́tinishterdi tipti uıaly telefondaǵy qosymsha arqyly berýge bolady. Stanııaǵa baryp, taýarlyq kassada turýdyń qajeti joq. Bul kásipkerlerge óte yńǵaıly. Temirjol salasynda áli de qordalanǵan másele kóp. Júrýinen turýy kóp poıyzdarǵa jolaýshylardyń ókipesi qara qazandaı. Vagondardaǵy tazalyq jaǵdaıy men qyzmet sapasy da syn kótermeı tur. Jolaýshylar bolsa, aqysyna sapasy saı júrdek poıyzben júıtkıtin kún alys emestigine úmitti.