Казинода 4 млн доллар ұтып алған азаматтың қуаныштан жүрегі тоқтап қалды

Фото: point.md

Сингапурде казинода джекпот ұтып алған ер адамның жүрегі тоқтап қалды, деп хабарлайды qandastar.kz  сайты жергілікті Locmat Times басылымына сілтеме жасап.

Бастапқыда кейбір деректерде ер адамның оқиға орнында көз жұмғанын айтқанымен, дәрігерлер бұл ақпаратты жоққа шығарды. Алғашында оның жүрегі тоқтады, қазір ол ауруханада жатып, өз-өзіне келуде.

«Оқиға елдегі әйгілі казинода болған. Ол жерде жолы болғыш төрт миллион доллар джекпот ұтқан. Эйфорияны бастан кешірген куәгерлер бастапқыда қуанғанымен, кейіннен ер адамның қуаныштан жүрегі жарылып кете жаздағанын айтты», – делінген хабарламада.