جاڭالىقتار
ءا. ىڭكاربەك: قازاق ءتىلىن ۇيرەتەتىن زاماناۋي پلاتفورما قاجەت
قازاق ءتىلىن ۇيرەتەتىن زاماناۋي پلاتفورما جاساۋ قاجەت.
جاس اقىن ءاليا ىڭكاربەك وسىلاي دەيدى. اقىننىڭ ايتۋىنشا, قازىر قازاقشا ءتىل سىندىرۋعا قىزىعاتىندار كوپ. تەك كەز كەلگەن ۋاقىتتا قولدانىپ, ۇيرەنۋگە بولاتىن ارنايى پلاتفورما جوق. اتىراۋدا وتكەن ۇلتتىق قۇرىلتايدا پرەزيدەنت قاسىم-جومارت توقاەۆ قازاق ءتىلى بيزنەستىڭ, عىلىم مەن تەحنيكانىڭ تىلىنە اينالا باستاعانىن ايتقان ەدى.
پرەزيدەنت تاپسىرماسىن جۇزەگە اسىرۋعا قوعام بولىپ اتسالىسساق, – دەيدى جاس اقىن. ءاليا ىڭكاربەك, اقىن: — مەملەكەت باسشىسى ءتىل ماسەلە كوتەرگەن بولاتىن. ارينە, بۇل – ءبىز ءۇشىن وزەكتى ماسەلە. قازاق ءتىلىن ۇيرەتۋدە, ماڭىزىن ارتتىرۋدا زاماناۋي پلاتفورما ويلاپ تابۋ كەرەك دەپ ويلايمىن. ول الىپبيمەن دىبىستالۋىنان باستالۋى كەرەك. ەلامان قابدىلاشىم, اقىن: — قازاقشا سويلەۋ ترەند بولۋى كەرەك. بىلايشا ايتقاندا, قازاقشا سويلەۋ سانگە اينالۋى كەرەك. قازاق ءتىلىن كوركەم ادەبي شىعارمالار ارقىلى ناسيحاتتاعان ابزال.
