«ااك»-تەن ءۇمىتتى مىڭداعان وتباسىنىڭ تابىسى مەن شىعىسى ەسەپتەلەدى

ياعني, جوسپار بويىنشا وتباسىنىڭ جىلجىمالى نە جىلجىمايتىن م ۇلىكتى, جيھاز, تۇرمىستىق تەحنيكانى ساتىپ الۋعا, وقۋ اقىسى مەن قوسىمشا ءبىلىم الۋعا, دەمالىس پەن ويىن-ساۋىققا, ساۋىقتىرۋعا, كرەديتتەردى وتەۋگە جۇمساعان اقشاسى تەكسەرىلەدى, دەپ حابارلايدى KYN.KZ اقپارات اگەنتتىگى 31 ارنانىڭ ينفورمبيۋرو جاڭالىقتار بولىمىنە سىلتەمە جاساپ.

مينيسترلىك وكىلدەرىنىڭ ايتۋىنشا, اتاۋلى الەۋمەتتىك كومەك تاعايىنداۋعا ءوتىنىش بەرگەن ادامدارعا كىرىستەرى مەن شىعىستارىن تەكسەرۋگە كەلىسىم الۋ ءۇشىن SMS-حابارلاما جىبەرىلەدى. بىراق بۇل بانكتىك قۇپيانى اشۋعا سەپ بولمايدى. تەكسەرۋلەر اقپاراتتىق جۇيەلەردى ينتەگراتسيالاۋ ەسەبىنەن اۆتوماتتى تۇردە ىسكە اسىرىلعالى وتىر. ءارى جاردەماقى تاعايىنداۋ تەتىگىندەگى جاڭا وزگەرىستەر شىن مۇقتاج جانداردى انىقتاپ, نىسانالى قولداۋ كورسەتۋگە مۇمكىندىك بەرمەك.

ايتا كەتەيىك, 1 تامىزداعى جاعداي بويىنشا 70 مىڭنان استام وتباسىنداعى 372 مىڭعا جۋىق ازاماتقا اتاۋلى الەۋمەتتىك كومەك كورسەتىلگەن. ول ءۇشىن بيۋدجەتتەن 60 ميلليارد 500 ميلليون تەڭگە ءبولىنىپ وتىر.