AÁK tóleý úshin bıylǵy bıýdjetten taǵy 36,9 mlrd teńge bólinedi

2019 jyldyń respýblıkalyq bıýdjetinen ataýly áleýmettik kómek tólemderi úshin qosymsha 36,9 mlrd teńge bólinedi. Bul týraly búgin Úkimet otyrysynda 2019 jylǵy respýblıkalyq bıýdjetti naqtylaý týraly zań jobasyn usynǵan QR Qarjy mınıstriniń birinshi vıe-mınıstri Berik Sholpanqulov aıtty.

«2019 jylǵa arnalǵan respýblıkalyq bıýdjetti naqtylaý týraly zań jobasy usynylady. Naqtylaýda osy jyldyń sáýirinde túzetilgen 2019 jylǵa arnalǵan eldiń áleýmettik-ekonomıkalyq damý boljamy kórsetkishteri saqtalǵan. Jobada osy jyldyń bıýdjetin atqarý aıasynda Úkimet aldyna qoıylǵan birqatar mindetti sheshý kózdelgen. Birinshi mindet — áleýmettik saladaǵy shuǵyl qarjylandyrý máselelerin sheshý. Bul maqsatqa 84,8 mlrd teńge kózdelgen. Onyń ishinde 36,9 mlrd teńge alýshylar kontıngentiniń ulǵaıýyna baılanysty ataýly áleýmettik kómek tóleýge, 23,3 mlrd teńge medıınalyq kómek kórsetýge jáne densaýlyq saqtaý nysandaryn jalǵastyrýǵa, 2,7 mlrd teńge mádenıet pen sportty damytýǵa bólinedi», — dedi ol.

Birinshi vıe-mınıstrdiń aıtýynsha, ekinshi mindet — keıingi jyldary ekonomıkanyń ósý qarqynyn arttyrý úshin qosymsha qarjy kózderin qarastyrý. Osy mindet aıasynda naqtylanǵan bıýdjet jobasynda 136,8 mlrd teńge kózdelgen. Onyń 36,7 mlrd teńgesi jolaýshylar vagondary parkin sanıtarlyq-tehnıkalyq jańartýǵa jáne mashına jasaý salasy jobalaryn qarjylandyrý úshin óńdeý ónerkásibin qoldaýǵa, 21,1 mlrd teńge avıaparkti damytýǵa jáne mamandandyrylǵan áýe kemelerimen tolyqtyrýǵa, 17,1 mlrd teńge salymshylarǵa turǵyn úı qaryzdaryn berý jáne salymdar boıynsha syıaqylar tóleýge, 8 mlrd teńge Pavlodar jáne Aqtóbe oblystaryn qajetti sýarmaly jerleriniń gıdromeloratıvtik júıelerin jańǵyrtýǵa, 7,2 mlrd teńge Jańbyl oblysy halqynyń tabysy arttyrý jónindegi ilki jobany iske asyrýǵa bólinip otyr.

«Úshinshi mindet — 4-toqsandaǵy shuǵyl mindetterge arnalǵan Úkimet rezerviniń qolaıy rezervin qamtamasyz etý. Kórsetilgen mindetterdi qarjylyq qamtamasyz etý shyǵystardy qaıta bólý jáne 94,9 mlrd teńge mólsherinde osy jylǵy 9 aıdyń qorytyndysy boıynsha bıýdjet túsimderin túzetý jolymen júzege asyrý usynylady. Osy ózgeristerdi eskere otyryp, 2019 jylǵa arnalǵan respýblıkalyq bıýdjettiń negizgi parametrleri bylaı qalyptasty: túsimder 10 trln 663,5 mlrd teńge, shyǵystar 12 trln 28,1 mlrd teńge, tapshylyq 1 trln 364,6 mlrd teńge nemese jalpy ishki ónimge 2,1 paıyz», — dedi Berik Sholpanqulov.

Derekkóz: QazAqparat