اباي بەگەي 9-سىنىپ بىتىرگەن قىزىن الىپ قاشقان جىگىتكە باتاسىن بەردى

فوتو: اشىق دەرەككوز

تانىمال ءانشى اباي بەگەي ەكىنشى قىزىن الىپ قاشىپ كەتكەندەرگە باتاسىن بەرىپ, قۇدا اتاندى, دەپ حابارلادى  qandastar.kz politico.kz.

ايتا كەتسەك, ونىڭ سىمبات ەسىمدى قىزى ءوزىنىڭ تۋعان جەرى – ماڭعىستاۋ وڭىرىنە كەلىن بولىپ ءتۇسىپ وتىر. بۇل جاڭالىقتى جەلىگە ءانشىنىڭ زايىبى جاريالادى.

اقتاۋعا وتباسىمىزبەن دەمالىپ كەلەمىز دەپ, ۇشۋعا ءبىر-اق كۇن قالعاندا, «ءۇيدىڭ ورتانشى قىزى سىمباتتى الىپ قاشىپ كەتتى» دەگەن حابار جەتتى. بارلىعىمىز الماتىدامىز, اقتاۋدان ناعاشى اپالارىن جىبەرىپ, قىزدى بىردەن الىپ كەتتىك. نە ءۇشىن? بۇل جەردە ەشقانداي مەنسىنبەۋشىلىك نەمەسە قارسىلىق تانىتقانىمىز ەمەس, اكەسىنىڭ تالابىن ورىنداۋ بولدى, – دەيدى فاريزا جۇمانوۆا.

بۇل رەتتە اباي بەگەيدىڭ تالابى قانداي ەدى دەسەڭىز, ول «قانداي ەل ەكەنىن, اتا-اناسىن, جىگىتتىڭ ءوزىن كورمەي, ەشقانداي قىزىمدى بەرمەيمىن» دەگەن. سودان سوڭ اقتاۋدان الماتىعا بىردەن جىگىتتىڭ اتا-اناسى, اۋىل ۇلكەنى بارىپ, اكەسىنىڭ الدىنان ءوتىپ, ۋادەلەرىن بەرىپ, رۇقساتىن سۇراعان.

اكەسى دە ءوز اۋىلىمىزدىڭ ۇلكەندەرىمەن, جان-جاعىمەن اقىلداسا كەلە, ەكى كۇن ويلانىپ, «كەلگەن ەل كورگەندى, ءجونى ءتۇزۋ, سوزدەرى دۇرىس ادامدار ەكەن. قىزىمنىڭ تاڭداۋىن قۇرمەتتەيمىن» دەپ باتاسىن بەردى, – دەپ جازدى ايەلى.

ال جەلى قولدانۋشىلارى قازىر ول جازباعا ءتۇرلى پىكىر ءبىلدىرىپ جاتىر.

سونىڭ ىشىندە «سىمبات بيىل عانا 9-سىنىپتى ءبىتىردى عوي, ەرتە ەمەس پە?», «تۇرمىس قۇرۋعا ەرتە ەمەس پە?» دەگەن ەكى سۇراق بار. ازىرگە ەكەۋى دە جاۋاپسىز.