Abaı Begeı 9-synyp bitirgen qyzyn alyp qashqan jigitke batasyn berdi

Foto: ashyq derekkóz

Tanymal ánshi Abaı Begeı ekinshi qyzyn alyp qashyp ketkenderge batasyn berip, quda atandy, dep habarlady  qandastar.kz politico.kz.

Aıta ketsek, onyń Symbat esimdi qyzy óziniń týǵan jeri – Mańǵystaý óńirine kelin bolyp túsip otyr. Bul jańalyqty jelige ánshiniń zaıyby jarııalady.

Aqtaýǵa otbasymyzben demalyp kelemiz dep, ushýǵa bir-aq kún qalǵanda, «úıdiń ortanshy qyzy Symbatty alyp qashyp ketti» degen habar jetti. Barlyǵymyz Almatydamyz, Aqtaýdan naǵashy apalaryn jiberip, qyzdy birden alyp kettik. Ne úshin? Bul jerde eshqandaı mensinbeýshilik nemese qarsylyq tanytqanymyz emes, ákesiniń talabyn oryndaý boldy, – deıdi Farıza Jumanova.

Bul rette Abaı Begeıdiń talaby qandaı edi deseńiz, ol «Qandaı el ekenin, ata-anasyn, jigittiń ózin kórmeı, eshqandaı qyzymdy bermeımin» degen. Sodan soń Aqtaýdan Almatyǵa birden jigittiń ata-anasy, aýyl úlkeni baryp, ákesiniń aldynan ótip, ýádelerin berip, ruqsatyn suraǵan.

Ákesi de óz aýylymyzdyń úlkenderimen, jan-jaǵymen aqyldasa kele, eki kún oılanyp, «Kelgen el kórgendi, jóni túzý, sózderi durys adamdar eken. Qyzymnyń tańdaýyn qurmetteımin» dep batasyn berdi, – dep jazdy áıeli.

Al jeli qoldanýshylary qazir ol jazbaǵa túrli pikir bildirip jatyr.

Sonyń ishinde «Symbat bıyl ǵana 9-synypty bitirdi ǵoı, erte emes pe?», «Turmys qurýǵa erte emes pe?» degen eki suraq bar. Ázirge ekeýi de jaýapsyz.