اباي بەگەي تۇرمىسقا شىققان 16 جاستاعى قىزىنا توي ۇستىندە توسىنسىي جاسادى

كوللاج: Kursiv.kz

ءانشى اباي بەگەي ءوزىنىڭ قىزى سىمبات تۇرمىسقا شىقتى. جىگىت جاقتىڭ تويى اقتاۋدا ءوتىپ جاتىر, دەپ حابارلايدى Qaz365.kz.

تويدىڭ كەي ساتتەرى سىمباتتىڭ پاراقشاسىندا جاريالاندى. قۇدا بولىپ كەلگەن اباي بەگەي مەن ونىڭ جارى باتاسىن بەرىپ, قۇرمەتىن كورسەتىپ, جاستار توي تويلاپ جاتىر.

اباي بەگەي باسىندا قىزىنىڭ تۇرمىسقا جاستاي كەتۋىن قولداماعان. قىزىن اقتاۋدا الىپ قاشقان كورىنەدى. باق-قا بەرگەن سۇحباتىندا ءانشى  قىزى جايلى «ۇلكەندەر باعىن بايلاما دەگەن سوڭ, رۇقساتىمىزدى بەردىك» دەگەن.

ۇزاتۋعا قاتىسپاعان ءانشى بۇگىن توي ۇستىندە قىزىنا رازىلىعىن ءبىلدىرىپ, جاس وتباسىعا كولىك سىيلادى. توي كەزىندە “ماڭىزدى كۇنىڭدە جانىڭنان تابىلىپ, قۋانىشىڭا ورتاق بولعىم كەلدى. مەن ساعان ريزامىن, قىزىم” دەپ اق باتاسىن بەردى.

بۇعان دەيىن الەۋمەتتىك جەلىدە اباي بەگەيدىڭ 9-سىنىپ بىتىرگەن قىزى تۇرمىسقا شىققانى جونىندە اقپارات تارادى. قازاقستان مۇسىلماندارى ءدىني باسقارماسىنىڭ ماڭعىستاۋ وبلىسى بويىنشا وكىلدىگىنىڭ كامەلەتكە تولماعان قىزدىڭ نەكەسىنە قاتىستى تاراعان اقپاراتتارعا تۇسىنىكتەمە بەرىپ, نەكە قيۋ ءراسىمى مەشىتتە بولماعانىن حابارلادى.