Abaı Begeı turmysqa shyqqan 16 jastaǵy qyzyna toı ústinde tosynsyı jasady

Kollaj: Kursiv.kz

Ánshi Abaı Begeı óziniń qyzy Symbat turmysqa shyqty. Jigit jaqtyń toıy Aqtaýda ótip jatyr, dep habarlaıdy Qaz365.kz.

Toıdyń keı sátteri Symbattyń paraqshasynda jarııalandy. Quda bolyp kelgen Abaı Begeı men onyń jary batasyn berip, qurmetin kórsetip, jastar toı toılap jatyr.

Abaı Begeı basynda qyzynyń turmysqa jastaı ketýin qoldamaǵan. Qyzyn Aqtaýda alyp qashqan kórinedi. BAQ-qa bergen suhbatynda ánshi  qyzy jaıly «úlkender baǵyn baılama degen soń, ruqsatymyzdy berdik» degen.

Uzatýǵa qatyspaǵan ánshi búgin toı ústinde qyzyna razylyǵyn bildirip, jas otbasyǵa kólik syılady. Toı kezinde “Mańyzdy kúnińde janyńnan tabylyp, qýanyshyńa ortaq bolǵym keldi. Men saǵan rızamyn, qyzym” dep aq batasyn berdi.

Buǵan deıin áleýmettik jelide Abaı Begeıdiń 9-synyp bitirgen qyzy turmysqa shyqqany jóninde aqparat tarady. Qazaqstan musylmandary dinı basqarmasynyń Mańǵystaý oblysy boıynsha ókildiginiń kámeletke tolmaǵan qyzdyń nekesine qatysty taraǵan aqparattarǵa túsinikteme berip, neke qııý rásimi meshitte bolmaǵanyn habarlady.