جاڭالىقتار
اباي وبلىسى: ەمدەلۋشىلەرگە مەرزىمى وتكەن پرەپاراتتار سالىنعان
فوتو: اشىق دەرەككوز
اباي وبلىسى, ماقانشى اۋداندىق پروكۋراتۋراسى دەنساۋلىق ساقتاۋ مەكەمەسىندە بىرقاتار زاڭبۇزۋشىلىقتى انىقتادى, – دەپ حابارلادى qandastar.kz.
تەكسەرۋ بارىسىندا دارىلىك زاتتاردى دۇرىس ساقتاماۋ, ەسىرتكى زاتتارى بار امپۋلالاردىڭ ۋاقىتىلى جويىلماۋى جانە ءدارى-دارمەكتىڭ دۇرىس تاعايىندالماۋى انىقتالدى.
سونىمەن قاتار ناۋقاستارعا وتا جاساۋ كەزىندە مەرزىمى ءوتىپ كەتكەن «كەتام» ناركوزدىق پرەپاراتىن قولدانۋ فاكتىلەرى انىقتالدى.
پروكۋراتۋرا قابىلداعان شارالاردىڭ ناتيجەسىندە مەديتسينالىق مەكەمەنىڭ 12 لاۋازىمدى تۇلعاسى قازاقستان رەسپۋبليكاسى اقبتك-ءنىڭ 426-بابى بويىنشا (قر اقبتك-ءنىڭ 426-بابى) بويىنشا تارتىپتىك جازاعا تارتىلىپ, 12 تۇلعاعا اكىمشىلىك ايىپپۇل سالىندى.
