جاڭالىقتار
اباي وبلىسىندا مۇگەدەك بالالارعا تيەسىلى تولەمدەر بەرىلمەي كەلگەن
اباي وبلىسىندا پروكۋراتۋرا ەرەكشە قاجەتتىلىكتەرى بار بالالاردىڭ قۇقىعى بۇزىلعانىن انىقتادى, دەپ حابارلايدى Qandastar.kz اقپاراتتىق پورتالى.
بورودۋليحا اۋدانىنىڭ پروكۋراتۋراسى پسيحيكالىق جانە مىنەز-ق ۇلىق اۋىتقۋلارى بار بالالاردىڭ قۇقىقتارىن ساقتاۋ ماسەلەلەرى بويىنشا تەكسەرىس جۇرگىزدى.
قولدانىستاعى زاڭناماعا سايكەس, اتالعان دياگنوزى بار كامەلەتكە تولماعان بالالار ايىنا 7 اەك (27 524 تەڭگە) كولەمىندە الەۋمەتتىك كومەك الۋعا قۇقىلى.
الايدا اۋدان اۋرۋحاناسىندا ەسەپتە تۇرعان 80 بالانىڭ بىرەۋى دە ءتيىستى الەۋمەتتىك كومەكتى الماي كەلگەن.
انىقتالعان بۇزۋشىلىقتار اۋداندىق جۇمىسپەن قامتۋ جانە الەۋمەتتىك باعدارلامالار ءبولىمىنىڭ بالالاردىڭ زاڭدى وكىلدەرىن ماتەريالدىق كومەك الۋ مۇمكىندىگى تۋرالى حاباردار ەتپەۋىنە بايلانىستى بولدى.
اۋدان پروكۋراتۋراسىنىڭ ۇسىنۋىمەن ۋاكىلەتتى ورگان بالالاردىڭ اتا-انالارىمەن جانە زاڭدى وكىلدەرىمەن ءتۇسىندىرۋ جۇمىستارىن جۇرگىزىپ, الەۋمەتتىك تولەمدەر الۋعا وتىنىشتەر قابىلداندى.
قازىرگى تاڭدا مۇقتاج بالالارعا قوسىمشا قارجى ءبولۋ ءۇشىن بيۋدجەتتىك ءوتىنىم جولداندى.
