الەۋمەت جانە قوعام
اباي وبلىسىندا زارداپ شەككەن بالا سەمەيگە جەتكىزىلدى
فوتو: Pixabay
اباي وبلىسىندا جول اپاتىنان زارداپ شەككەن قىز بالا ساناۆياتسيامەن سەمەيگە جەتكىزىلدى, دەپ حابارلايدى qandastar.kz
قىز بالا كۇردەلى وتا جاسالعاننان كەيىن ءبىراز ۋاقىت ءۇرجار اۋداندىق اۋرۋحاناسىندا ەمدەلگەن. دارىگەرلەر ونىڭ جاعدايىن اۋە ارقىلى تاسىمالداۋعا جارامدى دەپ باعالاپ, قازىر قىز بالا سەمەي مەديتسينا ۋنيۆەرسيتەتىنىڭ گوسپيتالىندە ەم قابىلداپ جاتىر.
بۇعان دەيىن جاراقات العان ەكى ۇل بالا استاناعا جەتكىزىلگەن بولاتىن.
ەسكە سالا كەتەيىك, قايعىلى وقيعا بەستەرەك اۋىلىندا بولعان. 55 جاستاعى Toyota جۇرگىزۋشىسى ءۇيدىڭ قاقپاسى الدىندا تۇرعان بالالاردى قاعىپ كەتكەن. وقيعا سالدارىنان ءۇش بالا قازا تاۋىپ, تاعى ۇشەۋى جاراقات الدى. كۇدىكتى جۇرگىزۋشى ەكى ايعا قاماۋعا الىندى, تەرگەۋ جالعاسۋدا.
