اباي وبلىسىنىڭ قارىزى 69 ميللياردتان اسقان

فوتو: اشىق دەرەككوز

اباي وبلىسىنىڭ قارىزى 69 ميللياردتان اسقان, – دەپ حابارلايدى Massaget.kz تىلشىسى جوعارى اۋديتورلىق پالاتاسىنىڭ ءباسپاسوز قىزمەتىنە سىلتەمە جاساپ.

اباي وبلىسىندا 2022-2023 جىلدارى جيناقتالعان بورىش كولەمى 69 ملرد تەڭگەدەن اسىپ ءتۇستى. ونىڭ ىشىندە بيىل 30 ساۋىردەگى جاعداي بويىنشا 16 ملرد تەڭگەدەن استامى وتەلگەن. كرەديتتەۋ باعىتتارىنىڭ قۇرىلىمىندا قۇرىلىس جانە اۋىل شارۋاشىلىعى سالالارىنداعى باعدارلامالاردىڭ ۇلەسى باسىم.

وڭىردە جۇرگىزىلگەن اۋديت – 12 وبەكت پەن 20,7 ملرد تەڭگەدەن استام سومانى قامتىدى. اتاپ ايتقاندا, اۋديت بارىسىندا ءوڭىردىڭ 6 كۆازيمەملەكەتتىك سەكتور سۋبەكتىسى 224 ملن تەڭگەدەن استام سوماعا قارىزداردىڭ سىياقى سوماسىن جانە نەگىزگى بورىشىن ۋاقىتىلى وتەۋ بويىنشا مىندەتتەمەلەردى ورىنداماعانى انىقتالدى. تاعى 3 اۋديت وبەكتىسى بۋحگالتەرلىك ەسەپ پەن قارجىلىق ەسەپتىلىكتى جۇرگىزۋ كەزىندە 711 ملن تەڭگەدەن استام سوماعا بۋحگالتەرلىك زاڭنامانى بۇزۋعا جول بەرگەن.

وڭىرلىك دەڭگەيدە بورىشتى باسقارۋ پروتسەسىن اباي وبلىسىنىڭ قارجى باسقارماسى بيۋدجەتتىك باعدارلامالار اكىمشىلەرىمەن بىرلەسىپ جۇزەگە اسىرادى. الايدا مەملەكەتتىك ورگاندار اراسىنداعى ءوزارا ءىس-قيمىلدىڭ قۇرىلعان الگوريتمى ءوڭىردىڭ قارجىلىق ورنىقتىلىعىن قامتاماسىز ەتۋ ءۇشىن ساپالى جانە ۋاقىتىلى شەشىم قابىلداۋعا مۇمكىندىك بەرمەيتىنىن تەكسەرۋ ناتيجەلەرى كورسەتىپ وتىر.