Abaı oblysynyń qaryzy 69 mıllıardtan asqan

Foto: ashyq derekkóz

Abaı oblysynyń qaryzy 69 mıllıardtan asqan, – dep habarlaıdy Massaget.kz tilshisi Joǵary aýdıtorlyq palatasynyń baspasóz qyzmetine silteme jasap.

Abaı oblysynda 2022-2023 jyldary jınaqtalǵan borysh kólemi 69 mlrd teńgeden asyp tústi. Onyń ishinde bıyl 30 sáýirdegi jaǵdaı boıynsha 16 mlrd teńgeden astamy ótelgen. Kredıtteý baǵyttarynyń qurylymynda qurylys jáne aýyl sharýashylyǵy salalaryndaǵy baǵdarlamalardyń úlesi basym.

О́ńirde júrgizilgen aýdıt – 12 obekt pen 20,7 mlrd teńgeden astam somany qamtydy. Atap aıtqanda, aýdıt barysynda óńirdiń 6 kvazımemlekettik sektor sýbektisi 224 mln teńgeden astam somaǵa qaryzdardyń syıaqy somasyn jáne negizgi boryshyn ýaqytyly óteý boıynsha mindettemelerdi oryndamaǵany anyqtaldy. Taǵy 3 aýdıt obektisi býhgalterlik esep pen qarjylyq eseptilikti júrgizý kezinde 711 mln teńgeden astam somaǵa býhgalterlik zańnamany buzýǵa jol bergen.

О́ńirlik deńgeıde boryshty basqarý proesin Abaı oblysynyń qarjy basqarmasy bıýdjettik baǵdarlamalar ákimshilerimen birlesip júzege asyrady. Alaıda memlekettik organdar arasyndaǵy ózara is-qımyldyń qurylǵan algorıtmi óńirdiń qarjylyq ornyqtylyǵyn qamtamasyz etý úshin sapaly jáne ýaqytyly sheshim qabyldaýǵa múmkindik bermeıtinin tekserý nátıjeleri kórsetip otyr.