Ábdijappar Álqoja kıimderin órtegeni úshin aıyppul tólep, túsinikteme jazdy

Foto: Vıdeodan skrınshot

Jol erejesine baǵynbaı, 10 táýlikke qamalyp shyqqan Ábdijappar Álqoja ustalǵan kezdegi kıimderin órtegeni úshin aıyppul tóledi. Bul týraly Stan.kz aqparat agenttigi habarlaıdy.

Aıta keteıik, otandyq estrada juldyzy Baǵlan Ábdiraıymov kóligin órteýge qatysty vıdeo jarııalaǵan bolatyn.

«Dostar, avtokólikti órtep jiberedi dep oıladyńyzdar ma? Joq, biz amanatqa qııanat jasamaımyz. Dál osy kólikti erteń sizderge syılaımyz jáne taǵy eki avtokóligimiz bar. 30 adamnyń 100 myń teńgeden qaryzyn jabamyz degen nıettemiz. Tek kıno kórgen kórermen úshin ǵana», – dedi ol.

Muny kórgen kópshilik Baǵlan Ábdiraıymovtyń áreketine shúılikti. О́ner ıesiniń áriptesi Ábdijappar Álqoja dalada ot jaqqany úshin aıyppul arqalaǵanyn aıtty.

«Alataý aýdany ákimshiligi aıyppul salady. Báke, baıqańyz. Kórdik órt jaqqandy. Aıyppulyn tólep, túsinikteme jazdyq», – dedi ánshi.

Eske salaıyq, buǵan deıin óner ıesi dramalyq vıdeosynyń astyna «Aınalamnyń bári shıbóri» degen syńaıda óleń joldaryn jazǵan bolatyn.