جاڭالىقتار
ءابيبا ابۋجاقىنوۆا الەمنىڭ ۇزدىك 5 دزيۋدوشىسىنىڭ قاتارىنا ەندى
فوتو: اشىق دەرەككوز
ءابيبا ءوز سالماعىنىڭ ۇزدىكتەرىنىڭ قاتارىنا ويىستى. پاريج وليمپياداسىنىڭ قاتىسۋشىسى, قازاقستاندىق دزيۋدوشى ءابيبا ابۋجاقىنوۆا دزيۋدودان الەمدىك رەيتينگتىڭ ۇزدىك بەستىگىنە ەندى. بۇل تۋرالى Dopmedia.kz ءتىلشىسى IJF-ءتىڭ رەسمي سايتىنا سىلتەمە جاساپ حابارلايدى.
48 كگ سالماق دارەجەسىندەگى سپورتشىلاردىڭ رەيتينگى حالىقارالىق دزيۋدو فەدەراتسياسىنىڭ سايتىندا جاريالاندى. رەيتينگتىڭ كوشىن موڭعوليالىق بااسانحۋ باۆۋدورج (7286 ۇپاي) باستاپ تۇر. ءابيبا ابۋجاقىنوۆا (5778 ۇپاي) ءتورتىنشى ورىندا ورنالاسسا, رەيتينگتىڭ بەسىنشى ساتىسىن فرانتسيالىق دزيۋدوشىسى شيرين بۋكلي (5710 ۇپاي) يەلەندى.
ايتا كەتەيىك, ءدال وسى سالماق دارەجەسىندە ونەر كورسەتەتىن پارادزيۋدوشى اقمارال ناۋاتبەك پاريجدەگى پاراليمپيادا ويىندارىنىڭ جەڭىمپازى اتانعان ەدى.
