ءابيبا ابۋجاقىنوۆا ناۋرىز ايىندا تاتاميگە ورالادى

لينتس گران پري جارىسى ءابيبا ءۇشىن پاريج وليمپياداسىنان كەيىنگى ەكىنشى ءتۋرنيرى بولماق, دەپ جازدى qandastar.kz

ناۋرىز ايىنىڭ 7-9 كۇندەرى اۋستريانىڭ لينتس قالاسىندا دزيۋدودان الەمدىك گران پري ءتۋرنيرى وتەدى. لينتس تاتاميىندە ازىرگە ءابيبا ابۋجاقىنوۆا باستاعان قازاقستاندىق 9 دزيۋدوشى ونەر كورسەتەدى دەپ جوسپارلانعان.
1bol.kz مالىمەتىنشە, ورىنباسار تالعات (60 كەلى), بوتاباي نۇرمۇحامەد (66 كەلى), بارىس قۋان (73 كەلى), امانگەلدى ءمادي (81 كەلى), ءابيبا ابۋجاقىنوۆا (48 كەلى),6 تولعاناي ابەۋوۆا (52 كەلى), دانا ءابدىروۆا (57 كەلى), سامالاي ەرعاليەۆا (63 كەلى) جانە اقەركە رامازانوۆا (+78 كەلى) اۋستريادا قازاقستان نامىسىن قورعايدى.

لينتس گران پري جارىسى ءابيبا ءۇشىن پاريج وليمپياداسىنان كەيىنگى ەكىنشى ءتۋرنيرى بولماق. پاريجدەن كەيىن ول ابۋ دابي گراند سلەم تۋرنيرىنە قاتىسىپ, قولا مەدال العان بولاتىن.

اۋستريادا Grand Prix Upper Austria ءتۋرنيرى 2023 جىلدان بەرى ۇيىمداستىرىلىپ كەلەدى. بۇعان دەيىنگى ەكى تۋرنيردە دە قازاقستاندىق دزيۋدوشىلار جۇلدەسىز قايتقان.

ايتا كەتەيىك, قازىرگى ۋاقىتتا دزيۋدودان ۇلتتىق قۇراما استانا قالاسىنداعى جاقسىلىق ۇشكەمپىروۆ اتىنداعى جەكپە-جەك سارايىندا وقۋ-جاتتىعۋ جيىنىن وتكىزۋدە.