«Adam emes, shoshqalar»: Saırandaǵy demalýshylar 19 myń teńgeden aıyppul arqalady

Foto: Vıdeodan skrın

Almatydaǵy Saıran sý qoımasy qaıta jańǵyrtýdan keıin resmı túrde áli ashylmasa da, demalýshylardyń sany kúnnen kúnge kóbeıip jatyr. Sol sebepti onda shomylýǵa tyıym salynǵan. Polıııa qyzmetkerleri túsindirý jumystaryn júrgizgenimen, shomylǵany úshin aıyppul sala almaıdy. Al demalys aımaǵyn lastaǵany úshin aıyppul kózdelgen. Qazirdiń ózinde 20 adam jaýapkershilikke tartyldy, dep jazdy qandastar.kz

Bul týraly Stan.kz aqparat agenttigi KTK arnasyna silteme jasap habarlaıdy.

Saıran kóli resmı túrde áli ashylǵan joq, biraq jaǵalaý qazirdiń ózinde qoqysqa tolyp qalǵan. Qumda shege qaǵylǵan taqtaılar, bótelkeler men tamaqtyń qaptamalary shashylyp jatyr. Qaldyqtar tipti sýdyń ishinde qalqyp júr. Soǵan qaramastan kólge kún saıyn 4 myńǵa deıin adam kelediSýda eresekter men balalar esh alańsyz shomylyp júr. Park aýmaǵynda ázirge birde-bir ájethana jumys istemeıdi.

О́skemennen balalarymen kelgen Karolına Dýmınıka demalys aımaǵynyń kúıin kórip endi onda aıaq baspaımyn dep otyr.

“Biz bul saıabaqqa endi ǵana keldik, osynda serýendep júrmiz. Biraq serýendep júrgende aınalanyń lastanyp ketkeni kózge ottaı basylady. Bul jaǵymsyz áser qaldyrady. Ásirese, biz sııaqty qonaqtarynda qalanyń tazalyǵyna baılanysty jaısyz pikir qalyptasady”, – deıdi Karolına Dýmınıka.

Kudaıbergen Sabyr kóldiń qarsy betinde turady. Ol da kún saıyn demalys aımaǵyna demalýǵa emes, tazalaýǵa keledi. Dostarymen birge qolǵap, kúrek, qoqys salatyn paketter alyp keledi. Sondaı-aq bul sumdyq kórinisti vıdeoǵa túsirip, ınternetke júkteıdi. Aıtýynsha, osylaısha qala turǵyndaryna ózderinen keıin qoqysty jınaý keregin jetkizgisi keledi.

“Bul áli jabyq aýmaq, áli úlken qoqys jáshikterin qoıyp úlgermedi. Al halyq kirip alǵan. Qoqystaryn shashyp júr, tipti arnaıy jáshikke tastýdy bilmeıdi. Qalaı bolsa, solaı laqtyrady. Bul adam emes, shoshqalar. Ne bolsa da, jaǵymsyz. Bárine birdeı «arttaryńnan jınańdar» dep túsindire almaısyń”, – deıdi Qudaıbergen Sabyr.

Saıran kóliniń aınalasyndaǵy tazalyq máselesin qala ákimi de nazarǵa aldy. Darhan Satybaldy tazalyq jumystary durys júrgizilmegeni úshin qalalyq qyzmetterge sógis berdi. Ol qoqysty qysqa merzimde shyǵarýdy tapsyrdy.

“Saıran aýmaǵyna qosymsha shamamen 130 qoqys jáshigin ornatý týraly tapsyrma berildi. Polıııa beketteri kún saıyn tańerteńnen túngi 2-ge deıin reıd júrgizedi”, – dedi Almaty qalasynyń Qoǵamdyq keńistikti damytý basqarmasynyń baspasóz hatshysy Mahanbet Kókimov.

Polıııa qyzmetkerleri reıdke shyqty. Alǵashynda olar túsindirý jumystaryn júrgizse, endi qoqys úshin aıyppul sala bastady. 20 adam aıyppul arqalady. Olardyń árqaısysy 19 jarym myń teńgeden tóleýge mindetti.