«Adam ómirine qaýip tóndiredi»: oń jaq rýldi kólikter endi taksı qyzmetin kórsete almaıdy

Oń jaq rýldi kólikter endi taksı qyzmetinen alastatylady. Mundaı temir tulparlardy «IandeksTaksı» men Indriver kompanııalary óz platformasynda múldem tirkemeıtin bolady. Kólik mınıstrligi qos kompanııamen aradaǵy kelissózder nátıjesin málimdedi, dep habarlaıdy KYN.KZ aqparat agenttigi KTK arnasyna silteme jasap.

Jańa talap 2025 jyldan bastap júzege asyrylady. Mınıstrlik «eski-qusqy kólikterdiń barlyǵyn osylaısha taksı qyzmetine jolatpaımyz» dep otyr. Qujatyn qıturqy árekettermen san túzetip, sol jaq rýldi kólikke aınaldyrǵandardyń da aılasy bul jerde iske aspaıdy. Marat Qarabaev kún sanap taksı baǵasynyń qymbattap jatqanyna da toqtaldy.

Mınıstrdiń sózinshe, Úkimet baǵa saıasatyn retteýge aralasa alamaıdy. Sondyqtan monopolıst kompanııalar oıyna kelgen baǵany qoıyp júr. Máseleni elimizde meılinshe básekeles orta týǵyzǵan jaǵdaıda ǵana sheshýge bolady eken. Ol úshin sheteldik birqatar kompanııalarmen kelissózder júrgizilýde.

«Sol jaq rýldi kólikke aınalǵan oń jaq rýldi mashınalar bar. Olar adam ómirine qaýip tóndireri sózsiz. Sondyqtan jańa ereje eshkimdi aınalyp ótpeıdi. Al baǵa saıasatyna keletin bolsaq, búginde Qazaqstanda birneshe agregator bar. Jekelegen qalalarda suranysqa ıe. Bizge BOLT kompanııasy habarlasty. Bul Estonııanyń taksı qyzmeti. Bylaısha aıtqanda, Eýropadaǵy «Iandeks». Ol bizdiń naryqqa qyzyǵýshylyq tanytyp otyr», – dedi QR Kólik mınıstri Marat Qarabaev.