«ادام سەنگىسىز جاعدايدا ءومىر سۇرگەن»: 20 جىل بويى اقشا ۇنەمدەگەن جاپوندىقتىڭ بار جيعانىن ينفلياتسيا «جەپ قويدى»

ول قىستا جىلۋدان باس تارتىپ, تەك جاتتىعۋ مەن كورپە قىمتانۋ ارقىلى جان ساقتاعان.

جاپونيالىق ەر ادام ينتەرنەت قولدانۋشىلارىن تاڭ قالدىردى: ول 20 جىلدا 132 ميلليون يەن (640,000 دوللار) جيناپ, ەرتە زەينەتكە شىعۋعا مۇمكىندىك العان, دەپ حابارلايدى odditycentral.com.

جاپونيالىق 45 جاستاعى ەر ادام 20 جىلدا 132 ميلليون يەن (640,000 دوللار) جيناپ, تيتىقتاتاتىن اۋىر جۇمىسىنان ەرتە زەينەتكە شىققانىن مالىمدەپ, ينتەرنەتتى تاڭ قالدىردى.

ول 2000 جىلداردىڭ باسىندا تۇراقتى, بىراق تالابى اسا قاتال جۇمىسقا ورنالاسىپ, ءتۇن ورتاسىنا دەيىن جۇمىس ىستەۋگە ءماجبۇر بولادى. جىلدىق تابىسى شامامەن بەس ميلليون يەن (32,000 دوللار) بولعاندىقتان, ول جۇمىسىن تاستاماي, ەرتە زەينەتكە شىعۋ ءۇشىن بارىنشا اقشا ۇنەمدەۋدى ۇيعاردادى. بىراق جيىرما جىل بويى ءوز-ءوزىن «قىسىپ» ءومىر ءسۇرۋى سوعان تۇرا ما دەگەن سۇراق تۋىندايدى.

ول جالعا الىنعان پاتەرىنەن باس تارتىپ, ايىنا تەك 30,000 يەن (190 دوللار) تولەيتىن قاراپايىم كومپانيا جاتاقحاناسىنا كوشكەن. قاجەتتى تۇرمىستىق تەحنيكا مەن جيھاز ساتىپ الۋدىڭ ورنىنا, ادامدار تاستاپ كەتكەن زاتتاردى پايدالانعان. جازدا كونديتسيونەر قولدانباعان, ال قىستا جىلۋدان باس تارتىپ, تەك جاتتىعۋ مەن كورپە قىمتانۋ ارقىلى جان ساقتاعان.

ونىڭ تاماعى نەگىزىنەن قايناتىلعان كۇرىش پەن كىشكەنە جەمىستەر مەن كوكونىستەردەن تۇرعان. وتە قيىن كۇندەردە كەشكى اسقا تەك ەنەرگەتيكالىق سۋسىن ىشكەن.

باسقا ۇنەمدى جاپوندار سياقتى, ول ەڭ ارزان ونىمدەردى الۋ ءۇشىن جەڭىلدىك كۋپوندارىن قولدانعان.

دەگەنمەن, ونىڭ جيناعان اقشاسى جىلدىڭ باسىنان بەرى يەننىڭ كۇرت قۇنسىزدانۋىنا بايلانىستى قىسقا مەرزىمدە ازايىپ كەتكەن. ەر ادامنىڭ تاجىريبەسى جاپونيا مەن قىتايدا ۆيرۋستىق سيپات الدى, جەلى قولدانۋشىلارىنىڭ ءار الۋان پىكىرىن تۋدىردى. كەيبىرەۋلەر ونىڭ تاباندىلىعى مەن شىدامدىلىعىنا تاڭدانسا, باسقالارى ونىڭ ءومىر سالتىنا شوشىنىپ, ونىڭ كەدەي ديەتاسىنا بايلانىستى اۋىرماۋى عاجاپ دەپ سانايدى.

«ونىڭ ءومىرى شىنىمەن دە ايانىشتى,» دەپ جازدى ءبىر ادام. «جاپونياداعى تابىسى تومەن ەمەس. ەگەر ول تەك ۇنەمدەۋدىڭ ورنىنا التىنعا ينۆەستيتسيا جاساسا, سونشالىقتى جوعالتپاس ەدى.»