«Adam tózgisiz jaǵdaı»: Arman Dúısenovtiń uly Abylaıdyń súıiktisi jazba jarııalady

Foto: áleýmettik jeli

Áleýmettik jelide Arýna esimdi boıjetken marqum sazger Arman Dúısenovtiń uly Abylaıdyń súıiktisi ekenin aıtyp, estelikterin bólisti. Bul týraly Qandastar.kz Stan.kz aqparat agenttigine silteme jasaı otyryp habarlaıdy.

Jeli qoldanýshysy marqum jigitimen birge túsken fotolaryn kórsetip, kópshilikti jylatty.

«Sizden aıyrylý – adam tózgisiz jaǵdaı. Siz jaı ǵana jaqyn adam emessiz. Meniń janymnyń bir bólshegisiz. Ajyramas bóligine aınaldyńyz. Meniń júregim aýyryp jatyr. Meniń qasymda joq ekenińdi túsine almaımyn. Qazir men fotolardy qarap jatyrmyn. Olar bizdiń ómirimizdiń qýanysh pen nurǵa toly sátterin túsirgen. Men bir mezgilde jylylyq jáne aýyrlyqty sezinemin», – dep jazdy jeli qoldanýshysy.

Odan keıin bloger arý marqummen ótkizgen ár sátti jıi eske alyp, mahabbatyn saqtaýǵa ýáde berdi.

«Sizdiń kúlkińiz qulaǵymda qaldy. Shynaıy qoldaý sózderińiz máńgi jadymda. Bul estelikter – eń zulmat kúnderimdi nurlandyratyn asyl qazynalarym. Siz maǵan kóp nur syıladyńyz. О́mirimdi mán men baqytqa toltyrdyńyz. Men sizdi ómirimdi nurlandyrǵan adam retinde máńgi este saqtaımyn. Sen meniń júregimde óshpes iz qaldyrdyń. Sol mahabbat máńgi ómir súredi. Siz meniń ómirime ákelgen barlyq jaqsylyqty saqtaýǵa ýáde beremin. Jatqan jeriń jaıly bolsyn, janym!», – dep jazdy boıjetken.