جاڭالىقتار
«ادامدار قايدا ەكەنى بەلگىسىز…»: قىزىلوردا وبلىسىندا ۇشاق اپاتتى جاعدايدا قوندى
قۇتقارۋشىلار قىزىلوردا وبلىسىندا اپاتتى جاعدايدا قونعان ۇشاقتىڭ بورتىندا بولعان ءۇش ادامدى سەگىز ساعات بويى ىزدەگەن, دەپ حابارلايدى Qandastar.kz سايتى قازاقستان توتەنشە جاعدايلار مينيسترلىگىنىڭ ءباسپاسوز قىزمەتى.
كەشە تجم كەزەكشى بولىمىنە قىزىلوردا وبلىسىندا «تاڭ-قۇمكول» باعىتىندا ۇشقان بورتىندا 3 ادام بار ان-2 ۇشاعى ءماجبۇرلى تۇردە جەرگە قونعانى تۋرالى حابارلاما كەلىپ ءتۇستى. ولاردىڭ قايدا ەكەنى بەلگىسىز ەدى ءارى ولارمەن بايلانىس بولمادى.
جەدەل ىزدەستىرۋگە تجم مەن پد-ءنىڭ بارلىق كۇشى مەن قۇرالى تارتىلدى. سونداي-اق ىزدەستىرۋدى جۇرگىزۋ ءۇشىن قازاقستان تجم «قازاۆياقۇتقارۋ» اق تىكۇشاعى جۇمىلدىرىلدى.
ىزدەستىرۋ توبىنىڭ جەدەل ءارى ۇيلەسىمدى ءىس-قيمىلدارىنىڭ ارقاسىندا سەگىز ساعاتتان كەيىن تۇندە جوعالعاندار اي دالادان تابىلىپ, قىزىلوردا وبلىسى سىرداريا اۋدانى تەرەڭوزەك كەنتىنە جەتكىزىلدى. ولار مەديتسينالىق كومەككە مۇقتاج بولعان جوق.
