«Adamdar jıirkenishti dúnıeler jazady»: Almatyda bıikten qulap, qaza tapqan oqýshynyń ákesi úndeý jasady

Foto: Evgenıı Muhamedjanovtyń jelidegi paraqshasynan alynǵan

Qaza bolǵan 7-synyp oqýshysy Aıshanyń ákesi Evgenıı Muhamedjanov áleýmettik jelidegi paraqshasynda qyzynyń ólimine qatysty jazba qaldyrdy, dep habarlaıdy qandastar.kz Skifnews.kz aqparat portalyna silteme jasap.

«Osy kúnderi bizdi shyn júrekten qoldaǵan barsha jandarǵa alǵysymdy bildiremin. Meniń kishkentaı perishtemniń jánnatta júrgenine bir apta boldy. Ázirge bolǵan oqıǵany tolyqtaı qabyldaýdan bas tartyp otyrmyn. Qazir barlyq oıymdy jumysqa bólýdi jón kórip otyrmyn. Bul ońaı emes… Biz tergeý organdaryna shyn senemiz. Bizdiń jaǵdaıymyz arqyly basqa oqıǵalardy da tereńirek zertteýge múmkindik alamyz», – dedi marqumnyń ákesi.

Evgenıı Muhamedjanov polıeılerdiń jalǵan aqparat taratqan adamdardy qylmystyq jaýapkershilikke tartatynyna rızashylyq bildirdi.

«Adamdar qanshama sandyraq jáne keıde jıirkenishti nárseler jazady. Buqaralyq aqparat quraldary bul aqparatty taratqanda jaǵdaı odan da ýshyǵady. Mundaı jańalyqtardy oqý óte qıyn», – dedi belgili ekolog.