«Adamnyń sýretterin ruqsatynsyz el aldyna shyǵarý – qylmys!»: Aıgúl Orynbek jastarǵa eskertý jasady

Belgili zańger Aıgúl Orynbek bireý týraly aqparat taratý arqyly aqsha tabýdyń jeńil jolyn kásipke aınaldyrǵan jastarǵa eskertý jasady, dep habarlaıdy qandastar.kz KYN.KZ tilshisine silteme jasap.

Zańger adamnyń jeke ómirin, sýretteri men vıdeolaryn ruqsatynsyz shyǵarý, talqylaý qylmys ekenin atap kórsetti.

«Bul maqtaný emes, ósip kele jatqan jastarǵa eskertý maqsatynda!
Adamnyń jeke ómirin, sýretterin, vıdeolaryn óz ruqsatynsyz el aldyna shyǵaryp talqylaý -Qylmys!
Aqsha tabýdyń jeńil jolyn kásipke aınaldyryp alǵan jastarǵa sabaq bolsyn! Shymkent qalasy uıymdasqan qylmysqa qarsy tobynyń qyzmetkerlerine alǵysymyzdy bildiremiz», – dedi ol.

Akter Tasqan Qanat áleýmettik jelide ózine qatysty jalǵan aqparat taratqandarǵa zań aldynda tıisti sharalar qoldanýda ekenin aıtyp, zańger Aıgúl Orynbekke alǵysyn bildirdi.

«Qymbatty ini-qaryndastar bireýdiń ómirindegi, jalpy tanymal adam ne qarapaıym bolsyn anyq-qanyǵyn bilmeı, áleýmettik jelige jarııalamaýlaryńyzdy suraımyn. Ondaı qatelik jasamańyzdar. Árkim óz betinshe ómir súrsin», – dedi Qanat.