جاڭالىقتار
ء“ادىل ءسوز” قورى: جۋرناليست ءجانيا ۇرانقاەۆانىڭ ۇكىمەت ۇيىنە كىرۋ ماسەلەسى شەشىلەدى
فوتو: اشىق دەرەككوز
بۇگىن, «ءادىل ءسوز» ءسوز بوستاندىعىن قورعاۋ حالىقارالىق قورىنىڭ قولداۋىمەن جۋرناليست ءجانيا ۇرانقاەۆانىڭ قازاقستان رەسپۋبليكاسى ۇكىمەتى ۇيىنە كىرۋ ماسەلەسىن رەتتەۋ بويىنشا كەلىسىمگە قول جەتكىزىلدى, – دەپ حابارلايدى qandastar.kz
قوردىڭ ۇكىمەت اپپاراتىنا جولداعان ءوتىنىشى نەگىزىندە ۇكىمەتتىڭ ءباسپاسوز قىزمەتى ءجۋرناليستتىڭ عيماراتقا كىرۋ شەكتەۋىن 2024 جىلعى 31 جەلتوقسانعا دەيىن قايتا قاراۋعا كەلىستى. ءجانيا ۇرانقاەۆا وتكىزۋ جانە وبەكتىشىلىك رەجيم تۋرالى ەرەجەنىڭ تالاپتارىن, سونداي-اق ۇكىمەت عيماراتىنداعى باق وكىلدەرىنىڭ قىزمەتىن رەتتەيتىن وزگە دە قۇجاتى ساقتاي وتىرىپ, ءوزىنىڭ كاسىبي مىندەتتەرىن تولىق كولەمدە ورىنداۋعا قايتا ورالا الادى. 2024 جىلدىڭ تامىز ايىندا كۇشىنە ەنگەن «ماسس-مەديا تۋرالى» زاڭنىڭ ەرەجەلەرى جۋرناليستەردى ماڭىزدى مەملەكەتتىك جانە ستراتەگيالىق نىساندارعا بارۋ كەزىندە بەلگىلەنگەن وتكىزۋ جانە وبەكتىشىلىك ءتارتىپ تالاپتارىن ساقتاۋعا مىندەتتەيدى.
«ءادىل ءسوز» قورى قازاقستان رەسپۋبليكاسى ۇكىمەتىنىڭ اپپاراتىنا, اسىرەسە, قازاقستان رەسپۋبليكاسى ۇكىمەتىنىڭ ءباسپاسوز قىزمەتىنە ولاردىڭ اشىقتىعى, سونداي-اق ادىلدىك پەن زاڭدىلىق قاعيداتتارىن ۇستانعانى ءۇشىن شىنايى ريزاشىلىعىن بىلدىرەدى. ءبىز ولارعا قوعام ءۇشىن ماڭىزدى اقپاراتتى جەتكىزۋدەگى جۋرناليست ماماندىعىنىڭ ماڭىزدىلىعىن ءتۇسىنىپ, مەملەكەتتىك ورگانداردىڭ جۇمىسىندا اشىقتىق پەن ايقىندىقتى قامتاماسىز ەتۋگە جاردەمدەسكەنى ءۇشىن العىس ايتامىز.
قول جەتكىزىلگەن كەلىسىم – باق وكىلدەرى مەن مەملەكەتتىك ورگان قىزمەتكەرلەرى اراسىنداعى كونسترۋكتيۆتى ديالوگتىڭ جارقىن ۇلگىسى.
