“Ádil sóz” qory: Jýrnalıst Jánııa Uranqaevanyń Úkimet úıine kirý máselesi sheshiledi

Foto: ashyq derekkóz

Búgin, «Ádil sóz» sóz bostandyǵyn qorǵaý halyqaralyq qorynyń qoldaýymen jýrnalıst Jánııa Uranqaevanyń Qazaqstan Respýblıkasy Úkimeti úıine kirý máselesin retteý boıynsha kelisimge qol jetkizildi, – dep habarlaıdy qandastar.kz

Qordyń Úkimet apparatyna joldaǵan ótinishi negizinde Úkimettiń baspasóz qyzmeti jýrnalısttiń ǵımaratqa kirý shekteýin 2024 jylǵy 31 jeltoqsanǵa deıin qaıta qaraýǵa kelisti. Jánııa Uranqaeva ótkizý jáne obektishilik rejım týraly erejeniń talaptaryn, sondaı-aq Úkimet ǵımaratyndaǵy BAQ ókilderiniń qyzmetin retteıtin ózge de qujaty saqtaı otyryp, óziniń kásibı mindetterin tolyq kólemde oryndaýǵa qaıta orala alady. 2024 jyldyń tamyz aıynda kúshine engen «Mass-medıa týraly» Zańnyń erejeleri jýrnalısterdi mańyzdy memlekettik jáne strategııalyq nysandarǵa barý kezinde belgilengen  ótkizý jáne obektishilik tártip talaptaryn saqtaýǵa mindetteıdi.

«Ádil sóz» qory Qazaqstan Respýblıkasy Úkimetiniń apparatyna, ásirese, Qazaqstan Respýblıkasy Úkimetiniń baspasóz qyzmetine olardyń ashyqtyǵy, sondaı-aq ádildik pen zańdylyq qaǵıdattaryn ustanǵany úshin shynaıy rızashylyǵyn bildiredi. Biz olarǵa qoǵam úshin mańyzdy aqparatty jetkizýdegi jýrnalıst mamandyǵynyń mańyzdylyǵyn túsinip, memlekettik organdardyń jumysynda ashyqtyq pen aıqyndyqty qamtamasyz etýge járdemdeskeni úshin alǵys aıtamyz.

Qol jetkizilgen kelisim – BAQ ókilderi men memlekettik organ qyzmetkerleri arasyndaǵy konstrýktıvti dıalogtyń jarqyn úlgisi.