سونىمەن قاتار, اناسىنىڭ ايتۋىنشا, 2023 جىلدىڭ ناۋرىز ايىنىڭ باسىندا ايبولات تولىق مەديتسينالىق تەكسەرىستەن وتكەن. سول كەزدە دارىگەرلەر بالانىڭ دەنساۋلىعىندا ەش كىنارات جوقتىعىن ايتقان. ايبولات قايتىس بولعاننان كەيىن ەڭبەكشىقازاق پوليتسيا باسقارماسىنا ارىز تۇسىرىلگەن, بىراق ارادا 1,5 جىل وتسە دە ماردىمدى تەرگەۋ نەمەسە سوتقا جىبەرىلگەن ءىس جوق.

اتا-اناسىنىڭ ايتۋىنشا, باستاپقىدا بالالارىنىڭ ءوز اۋرۋىنان قايتىس بولدى دەگەنمەن كەلىسپەي, 6 ايدان سوڭ ەكسگۋماتسيا جاساتقان. ەكسگۋماتسيا قورىتىندىسى بويىنشا ايبولاتتىڭ سوققى سالدارىنان اسقازان-ىشەك جولدارىندا قان ۇيىپ, سارى سۋعا اينالعانىنان قايتىس بولعانى انىقتالعان. دەگەنمەن, بۇگىنگى كۇندە تەرگەۋشىلەر بۇل قورىتىندىعا قاراماستان, تاعى دا ساراپتاما كۇتىپ وتىرمىز دەگەن جەلەۋمەن ءىس العا جىلجىماعان.

«ستۋدەنت جىگىتتەر بالالاردى جيناپ الىپ ۇرعان, كىم سوققانى, كىم ۇرعانى ءبارى ايدان انىق كورىنىپ تۇر. 6 ايدان سوڭ ەكسگۋماتسيا دا جاساتتىق, ونىڭ قورىتىندىسى بويىنشا دا ءولىم سەبەبى سوققى بولعاندىعى دالەلدەنىپ تۇر. وسىنشاما دالەل مەن دايەككە قاراماستان ءىس العا جىلجىماعانىنا مىنە 1,5 جىل بولدى», —  دەيدى اكەسى مۇراتحان تۇگەلحان.

ايمەن ورتا مەكتەبىنىڭ تاربيە ءىسى جونىندەگى ورىنباسارى دا ايبولاتتىڭ سىنىپتاستارى ۇلكەن جىگىتتەردەن الىمجەتتىك كورگەنىن سول كەزدە ايتقانىن جەتكىزدى.

«قازىر اتا-اناسىنىڭ قولىندا سول كەزدە بارلىق بالالاردان الىنعان تۇسىنىكتەمەلەر بار. بالا اۋرۋحاناعا تۇسكەن سوڭ, اناسى جىلاپ كەلگەن كۇنى ءبىز پوليتسياعا بارىپ ارىز جازىپ, بالالار تۇسىنىكتەمە بەرگەن بولاتىن. شىنىمەن مەكتەپتى ءبىتىرىپ كەتكەن بالالاردىڭ ۇرعانىن سول كەزدە ءبارى ايتتى. ستۋدەنت جىگىتتەردىڭ قورقىتقانى, اقشا جيناڭدار دەپ ايتقان بارلىق جازبالارى بار», —  دەدى تاربيە ءىسى جونىندەگى مەڭگەرۋشى.

سونىمەن قاتار, سول جەردە ادىلەتسىزدىك كوردىك دەگەن تاعى ەكى انا بولدى. سولاردىڭ ءبىرى – ايمان بەتىشىموۆا ەسىمدى ايەلدىڭ قىزى الماتى وبلىسى ىلە اۋدانىنداعى اباي اتىنداعى مەكتەپ-ينتەرناتتا ۇزاق ۋاقىتتان بەرى ديرەكتور تاراپىنان بۋللينگكە ۇشىراپ جۇرگەنىن ايتتى. ول مەكتەپتىڭ بۇرىنعى ديرەكتورىن كىنالاپ وتىر. ايتۋىنشا, ديرەكتور مەكتەپ جارعىسىن بۇزىپ, مەكتەپ عيماراتىن كەيبىر قىزمەتكەرلەرگە تۇرۋعا جالعا بەرگەن.

«سونى بەتىنە ايتىپ ەدىم, مەنىڭ قىزىمنىڭ قىر سوڭىنا ءتۇسىپ الدى», – دەيدى انا.
كەيىننەن ديرەكتوردى ورنىنان الىپ, جاڭاسىن تاعايىندادى. الايدا بۋللينگ توقتاعان جوق. ايەلدەن نەگە قىزىن باسقا مەكتەپكە اۋىستىرمايتىنىن سۇراعانىمىزدا, ناقتى جاۋاپ بەرە المادى. تەك الماتى وبلىسى ءبىلىم باسقارماسىنىڭ باسشىسى سالتانات بەسپاەۆانى قايتا-قايتا سىناپ, ينتەرناتتاعى جاعدايعا ونى دا جاۋاپتى دەپ ەسەپتەيتىنىن ايتتى.

سالتانات بەسپاەۆاعا قاتىستى ۇلكەن شاعىمداردى زاريما قوجامبەتوۆا دا ءبىلدىردى. ول ازات اۋىلىنا پرەزيدەنت اكىمشىلىگىنىڭ دەلەگاتسياسى كەلدى دەپ مالىمدەدى. بۇعان دەيىن زاريما قوجامبەتوۆا ەڭبەكشىقازاق اۋدانى بويىنشا ءبىلىم ءبولىمىنىڭ باس مامانى بولىپ جۇمىس ىستەگەن, بىراق كەيىننەن باسقارماداعى ءتۇرلى زاڭ بۇزۋشىلىقتاردى اشىق ايتقانى ءۇشىن ادىلەتسىز تۇردە جۇمىستان شىعارىلعاندىعىن ايتتى.

ودان كەيىن جۋرناليستەر ازات اۋىلىنىڭ تۇرعىندارىمەن سويلەسىپ, جالپى اۋىلدىڭ قالاي ءومىر ءسۇرىپ جاتقانىن انىقتادى. سونداي-اق كەيبىر جەرگىلىكتى تۇرعىنداردىڭ ايتۋىنشا, قىتاي مەن باسقا ەلدەردەن كەلگەن قانداستارىمىز اراسىندا ءبىراز سەنىمسىزدىك پەن شيەلەنىس بار ەكەن. كەيبىر تۇرعىنداردىڭ ايتۋىنشا, شەتتەن كوششىپ كەلگەن قانداستار تۇرمىستىق جانە مادەني الۋان تۇرلىلىگىنە, ولاردىڭ باسقا ۇلت وكىلدەرىمەن ارالاسپاۋىن, ديالوگقا تۇسۋگە ق ۇلىقسىز ەكەنىن اتاپ ءوتتى.
Orda.kz تىلشىلەرى شەرزات پولاتتىڭ وتباسىنىڭ ورتەنىپ كەتكەن ۇيىنە باردى. الايدا جاقىن بارۋ مۇمكىن بولمادى. ءۇيدىڭ جانىندا پوليتسيا كولىگى كەزەكشىلىكتە تۇردى. ءبىر قىزىعى, ورتەنىپ, ءارى ەشكىم تۇرمايتىن ءۇيدىڭ ماڭىندا پوليتسيادان بولەك, شاتىرىندا لوكاتورى بار ۇلكەن اسكەري جۇك كولىگى تۇردى. ونىڭ مۇندا نە ءۇشىن اكەلىنگەنى بەلگىسىز.