«ادىلدىك جانە وركەندەۋ» قوعامدىق قورىنىڭ قولداۋىمەن جينالعان گۋمانيتارلىق جۇك تۇركىستاننان قۇلسارىعا جەتتى

ءساۋىردىڭ 14-ءى كۇنى «كيەلى تۇركىستاننان قۇلسارىعا» دەگەن اتاۋمەن قۇلسارى قالاسىنا 30 توننالىق گۋمانيتارلىق كومەك جونەلتىلدى. كۇنى كەشە ازىق-ت ۇلىك, گيگيەنالىق زاتتار, قايىق, كۇرەك, قازان-وشاق سىندى قاجەتتى زاتتار تيەلگەن جۇك كولىگى دىتتەگەن جەرىنە جەتتى. بۇل يگى شارا تۇركىستاندىق تۇرعىندار جانە «ادىلدىك جانە وركەندەۋ» قوعامدىق قورىنىڭ ۇيىتقى بولۋىمەن قولعا الىندى. قارعىن سۋدان زارداپ شەككەن وتانداستارىمىزعا جىبەرىلگەن گۋمانيتارلىق جۇك اراسىندا سۋدا جۇرەتىن ارنايى كيىمدەر مەن ەتىكتەر دە بولدى.

«اسسالاۋماعالەيكۋم قازاق ەلى! بارشا تۇركىستاندىقتار! اماناتتارىڭىزدى قۇلسارى قالاسىنا جەتكىزدىك. تۇركىستاننان شىققان جۇك قۇلسارى قالاسىنا امان-ەسەن جەتتى. قۇلسارى قالاسىنىڭ ازاماتتارىنا تاپسىردىق. بارشا قاتىسقان قالا تۇرعىندارى سىزدەرگە ايتار العىسىم زور. بىزگە قولداۋ كورسەتكەن «ادىلدىك جانە وركەندەۋ» قوعامدىق قورىنا العىس بىلدىرەمىز! ءبىز, تۇركىستاندىقتار, باتىستىقتارمەن بىرگەمىز!» — دەدى تۇركىستاننىڭ قوعام بەلسەندىسى.

تۇركىستان قالاسى تۇرعىندارىنىڭ تابيعات اپاتى بولعان ايماقتارعا دەگەن كومەگى تولاستاعان جوق. كۇنىنە ءار مولتەك اۋداننىڭ وزىنەن جۇك كولىكتەرى باتىس, شىعىس, سولتۇستىككە گۋمانيتارلىق كومەكتەرمەن كەتىپ جاتىر.

«ەل اعالارى مەن ورىمدەي جاستار جۇمىلىپ, كولىكتەردى تولتىرۋعا كۇن-ءتۇن دەمەي ەڭبەك ەتۋدە. حالىقتىڭ ىنتىماعى مەن بەرەكەسى جانە شىنايى تىلەگىنە ارتىنىڭ جاقسىلىعىن بەرسە ەكەن دەپ, ءبىز دە بىرگە شاپقىلاپ ءجۇرمىز. ءوزىم ءبىزدىڭ وبلىستان جەتەكشىلىك ەتەتىن «ادىلدىك جانە وركەندەۋ» قورىنىڭ قارجىلاي ۇلەس قوسۋىمەن 30 تونناداي جۇك قۇلسارىعا باردى. ۇيىمشىل, بەرەكەلى تۇركىستاندىقتاردىڭ تىرلىگى توقتاماي, بىرلىگىمىز بەرىك بولسا, اپاتتىڭ ارتى وڭاي ەڭسەرىلەر!» -دەدى «ادىلدىك جانە وركەندەۋ قق تۇركىستان وبلىسىنداعى وكىلدىگىنىڭ جەتەكشىسى ادەماۋ تولىسباەۆا.

ەستەرىڭىزگە سالا كەتەيىك, سۋ تاسقىنى كەزىندە «ادىلدىك جانە وركەندەۋ» قورىنىڭ بارلىق 7 قوعامدىق قابىلداۋى قيىن ومىرلىك جاعدايعا تاپ بولعان ءوڭىر تۇرعىندارىنا گۋمانيتارلىق جۇكتەردى جيناۋ جانە جەتكىزۋ, سونداي-اق ەرىكتىلەردى ۇيلەستىرۋ مىندەتتەرىن قولعا الدى. قوعام بەلسەندىلەرى بوگەتتەر مەن قورعانىس قۇرىلىستارىن سالۋعا قاتىسادى. سونىمەن قاتار قوعامدىق قور قىزمەتكەرلەرى سۋ تاسقىنىنان زارداپ شەككەن وبلىس تۇرعىندارىنىڭ اتىنا ءبىر كۇندىك تابىسىن اۋداردى.