ادىلەت بارمەنقۇلوۆ فۋتبول فەدەراتسياسىنداعى قىزمەتىنەن كەتتى

فوتو: اشىق دەرەككوز

قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆ قىزمەتىنەن كەتەدى. بۇل تۋرالى qandastar.kz Meta-ratings.kz سايتىنا سىلتەمە جاساپ حابارلايدى.

بۇگىن فەدەراتسيادا كەزەكتەن تىس جيىن ءوتىپ, ادىلەت بارمەنقۇلوۆ قىزمەتىنەن كەتەتىنىن ايتقان.

ادىلەت بارمەنقۇلوۆ قفف-عا 2022 جىلى پرەزيدەنت بولىپ سايلانعان ەدى. ول ادىلبەك جاقسىبەكوۆتى الماستىرعان بولاتىن. ونىڭ تۇسىندا فۋتبولدان قازاقستان ۇلتتىق قۇراماسى ەۋرو-2024 تۋرنيرىنە ىرىكتەۋ كەزەڭىندە ءتاۋىر ونەر كورسەتىپ, جولداما الۋعا جاقىن قالدى. الايدا شەشۋشى ساتتە ماگومەد اديەۆ جاتتىقتىرعان قۇراما سلوۆەنياعا ەسە جىبەردى. كەيىن قوسىمشا ويىندا گرەكياعا جول بەردى.